Skip to content

Skip to table of contents

Tau Fakamoli a Iehova

Fifili e vagahau Faka-Niue

14. Maeke e Magafaoa Haau ke Fiafia

14. Maeke e Magafaoa Haau ke Fiafia

1 TUFAGATIA E IEHOVA E MAGAFAOA

“Kua nakai mitaki ke tokotaha e tagata; to eke e au māna e lagomatai ke lata mo ia. . . . Ko e hui kahokaho foki ne uta e Iehova ko e Atua ia Atamu ne eke aki e ia e fifine; ti ta mai ai e ia kia Atamu.”​—Kenese 2:18-24

Maeke fēfē e magafaoa haau ke fiafia?

  • Kenese 1:26-28

    Ko Iehova ne tufugatia e magafaoa fakamua.

  • Efeso 5:1, 2

    Ko e kei ke he moui fiafia he magafaoa ke fakafifitaki ki a Iehova mo Iesu.

2 PUHALA KE TAANE MITAKI PO KE HOANA MITAKI

“Ka ko mutolu, kia takitokotaha a mutolu gotoa mo e fakaalofa atu ke he hana hoana, . . . ka ko e fifine kia fakalilifu a ia ke he hana tane.”​—Efeso 5:33

Kua lata ke leveki fēfē he taane mo e hoana a laua ni?

  • Efeso 5:22-29

    Ko e matagahua he taane ke leveki e haana magafoa. Kua lata a ia ke fakaalofa ke he hoana haana, mo e lata e hoana ke lalago e tau fifiliaga he taane ka taute.

  • Kolose 3:19; 1 Peteru 3:4

    Kua lata a laua ke mahani totonu mo e felevekiaki.

  • 1 Peteru 3:1, 2, 7

    Ko e taane mo e hoana kua lata ke fakalilifu mo e fakahelehele e taha ke he taha.

  • 1 Timoteo 5:8; Tito 2:4, 5

    Kua lata e taane ke leveki e haana a magafaoa. Ko e hoana kua lata ke leveki fakamitaki e haana a kaina.

3 KO E PUHALA KE MATUA MITAKI

“Ko mutolu foki, ko e tau matua tane, aua neke fakahogohogomanava ke he fanau ha mutolu, ka kia leveki ai ke he tau kupu akonaki mo e tau kupu fakamafana he Iki.”​—Efeso 6:4

Ko e heigoa e matagahua he tau matua?

  • Teutaronome 6:4-9; Tau Fakatai 22:6

    Taute e taha magaaho ke fakaako e tau fanau haau hagaao ki a Iehova. He vahā ne ikiiki agaia, lagomatai fakatekiteki a lautolu takitokotaha ke kapitiga mo Iehova.

  • 1 Peteru 5:8

    Fakaako e fanau haau he puhala ke kalo kehe he ekefakakelea ke he mahani fakataane mo e fifine, mo e falu tuaga hagahagakelea.

  • Ieremia 30:11; Heperu 12:9-11

    Kua lata ia koe ke akonaki e fanau haau ka e nakai taute he ita po ke ekefakakelea.

4 KO E HEIGOA NE MANAKO MAI E ATUA HE TAU FANAU

“Ko e tau fanau, kia omaoma ke he tau matua ha mutolu.”​—Efeso 6:1

Ma tau fanau, ko e ha ne lata a mutolu ke omaoma ke he tau matua ha mutolu?