Skip to content

Skip to table of contents

Tau Fakamoli a Iehova

Fifili e vagahau Faka-Niue

12. Maeke Fēfē a Koe ke Kapitiga mo e Atua?

12. Maeke Fēfē a Koe ke Kapitiga mo e Atua?

1 OMAOMA E TAU KAPITIGA HA IEHOVA KI A IA

“Kia fanogonogo mai a a mutolu ke he haku a leo, ti eke au mo Atua ha mutolu, ti eke a mutolu mo motu haku.”​—Ieremia 7:23

Maeke nakai ke kapitiga mo e Atua?

2 KAPITIGA A IOPU MO E ATUA TI TUMAU KE MAHANI FAKAMOOLI

“Nakai hala a Iopu he tau mena oti na, ti nakai pehe foki a ia kua goagoa e Atua.”​—Iopu 1:22

Kamatamata fēfē e Satani a Iopu, ti fēfē e tali ha Iopu?

  • Iopu 1:10, 11

    Talahau e Satani ko e mahani lotokai a Iopu, mo e nakai fakaalofa ke he Atua.

  • Iopu 1:12-19; 2:7

    Ne fakaatā e Iehova a Satani ke utakehe e tau mena oti ha Iopu, ti fakahoko foki e Satani e gagao kelea ki a Iopu.

  • Iopu 27:5

    Nakai iloa e Iopu e kakano ne matematekelea lahi a ia, ka e tumau a ia ke mahani fakamooli.

3 LALI A SATANI KE FAKALILIU KEHE A KOE MAI IA IEHOVA

“Ko e tau mena oti foki ha ha he tagata, to ta age e ia ke totogi aki hana moui.”​—Iopu 2:4

Lali fēfē a Satani ke moumou e tuaga kapitiga ha tautolu mo Iehova?

  • 2 Korinito 11:14

    Taute lagatau a Satani ke nakai omaoma a tautolu ki a Iehova.

  • Tau Fakatai 24:10

    Lali a ia ke moua e tautolu e logonaaga kua nakai mitaki a tautolu ke fekafekau ki a Iehova.

  • 1 Peteru 5:8

    Ekefakakelea e Satani a tautolu.

  • Tau Fakatai 27:11

    Fifili ke omaoma ki a Iehova mo e kapitiga mahani fakamooli mo ia. Ti fakakite he mena nei ko Satani ko e pikopiko.

4 OMAOMA A TAUTOLU KI A IEHOVA HA KO E FAKAALOFA KI A IA

“Ha ko e fakaalofa ke he Atua hanai, kia omaoma a tautolu ke he tau poaki hana.”​—1 Ioane 5:3

Maeke fēfē a koe ke kapitiga mo Iehova?

  • Teutaronome 6:5

    Fakakite e fakaalofa ma e Atua. To lagomatai he mena nei a koe ke omaoma.

  • Isaia 48:17, 18

    Omaoma ki a Iehova, ti fai aoga tumau a koe ka moua.

  • Teutaronome 30:11-14

    Falanaki ki a Iehova, he nakai ole a ia ki a koe ke taute ha mena ne nakai fahia a koe ki ai.

  • Filipi 4:13

    Taute e mena kua hako, ti foaki e Iehova e malolō ma haau.