Skip to content

Skip to table of contents

Tau Fakamoli a Iehova

Fifili e vagahau Faka-Niue

 TAU VALA TALA I MUA | TALAHAUAGA HE TOHI TAPU KE HE TAU AGELU

Fai Agelu Leveki Nakai a Koe?

Fai Agelu Leveki Nakai a Koe?

Ko e Tohi Tapu kua nakai fakaako na igatia e tagata mo e agelu leveki. Ka e mooli na lagataha e pehē a Iesu: “A mutolu neke fakateaga a mutolu ke he taha ia lautolu nai kua fakateaga [tau tutaki ha Keriso]; ha ko e mena tala atu e au kia mutolu, ko e tau agelu ha lautolu ha he lagi kua kitekite mau a lautolu ke he fofoga he haku a Matua ha ha he lagi.” (Mataio 18:10) Kua nakai hagaao a Iesu ke igatia e tagata mo e agelu leveki, ka e talahau e ia kua mataala e tau agelu ke he tau tutaki oti haana. Ko e mena ia, nakai taute he tau tagata tapuaki mooli e tau mena nakai pulotu mo e fakahanoa, ti amanaki to puipui he tau agelu he Atua a lautolu.

Kakano kia e mena ia kua nakai lagomatai he tau agelu e tau tagata? Nakai. (Salamo 91:11) Malolō e logonaaga he falu kua foaki he Atua e puipuiaga mo e takitakiaga he tau agelu. Ne pihia e logonaaga ha Kenneth ne totoku he vala tala he kamataaga. Pete ia, nakai pāpā maō a tautolu ke he mena ne tupu neke kua hako a ia. Kua kitia tumau he Tau Fakamoli a Iehova e lagomataiaga he tau agelu he fakalataha a lautolu ke he gahua fakamatala. Pete ia, ha kua nakai kitia e tau agelu ne nakai maeke a tautolu ke talahau katoatoa e puhala ne fakaaoga he Atua e tau agelu ke lagomatai e tau tagata takitokotaha he tau tuaga kehekehe. Ka e nakai hepe a tautolu ke fakaaue ke he Atua Malolō Ue Atu ma e tau lalagoaga ne kua foaki e ia.​—Kolose 3:15; Iakopo 1:17, 18.