Skip to content

Skip to table of contents

Tau Fakamoli a Iehova

Fifili e vagahau Faka-Niue

 MOUI KO E TAU KERISIANO

Moui ke Fakaheke a Iehova!

Moui ke Fakaheke a Iehova!

Ko e mena fakaalofa uho e moui. Puhala ne fakaaoga e tautolu e mena fakaalofa nei he tau aho takitaha kua fakakite e lahi he loto fakaaue ha tautolu ki ai. Ha ko e Tau Fakamoli a Iehova, kua eketaha a tautolu ke fakaaoga e tau taleni mo e tau lotomatala ha tautolu ke fakaheke mo e tuku atu e lilifu ki a Iehova, ko e Foaki Moui. (Sal 36:9; Fki 4:11) Ka ko e tau fakaatukehe he tau aho takitaha he lalolagi kelea nei ka mukamuka ke toka kehe e tau manako fakaagaaga. (Mar 4:18, 19) Igatia a tautolu mo e hūhū hifo: ‘Kua foaki katoatoa mooli nakai au ki a Iehova? (Ho 14:2) Lauia fēfē e fekafekauaga haaku ki a Iehova ha ko e gahua tupe? Ko e heigoa e tau foliaga fakaagaaga haaku? Maeke fēfē au ke fakalahi haaku a fekafekauaga?’ Ka kitia e koe e lata ke holo ki mua, liogi ki a Iehova ma e lagomatai mo e taute e tau hikiaga kua latatonu. Nakai fakauaua, ko e fakaheke ki a Iehova he tau aho takitaha kua takitaki atu ke he moui fai kakano mo e fiafia!​—Sal 61:8.

Ko hai ne foaki e koe ki ai e tau taleni haau?

KITEKITE E VITIŌ FAKAAOGA E TALENI HAAU MA IEHOVA, TI TALI E TAU HŪHŪ NĀ:

  • Ko e ha kua nakai pulotu ke foaki e tau taleni haau ke he lalolagi ha Satani? (1Io 2:17)

  • Ko e heigoa e tau monuina ne moua e lautolu kua foaki katoatoa ki a Iehova?

  • Ko e tau faahi fe he fekafekauaga tapu ka foaki noa e koe e tau taleni mo e tau iloilo haau?