Skip to content

Skip to table of contents

Tau Fakamoli a Iehova

Fifili e vagahau Faka-Niue

 MOUI KO E TAU KERISIANO

Eke mo Tagata Fakaako Makutu he Tohi Tapu

Eke mo Tagata Fakaako Makutu he Tohi Tapu

Manako nakai a koe ke mahani fakamooli he fehagai mo e kamatamata tuga a Tanielu? Fakaako fakamakutu e Tanielu e Kupu he Atua, putoia e perofetaaga hokulo. (Tan 9:2) Ko e fakaako fakamakutu he Tohi Tapu ka lagomatai a koe ke fakatumau e mahani fakamooli. Puhala fe? Maeke ke fakalahi e tua haau to fakamooli e tau maveheaga ha Iehova. (Ios 23:14) Lagomatai foki a koe ke tupu e fakaalofa haau ke he Atua ka omoomoi a koe ke taute e mena hako. (Sal 97:10) Ka e lata a koe ke kamata he mena fe? Manamanatu ke he tau lagomatai nā.

  • Ko e heigoa haaku kua lata ke fakaako? Ko e fakaholoaga mitaki he fakaako kua putoia e tauteute ma e tau feleveiaaga. To uho lahi e totouaga he Tohi Tapu he tau faahi tapu takitaha ka fai magaaho a koe ke kumikumi ke he tau manatu ne nakai maama e koe. Lafi ki ai, kua fifili falu ke fakaako fakalahi ke he perofetaaga he Tohi Tapu, tau vala kehekehe he fua he agaaga he Atua, tau fenoga misionare he aposetolo ko Paulo, po ke tau tufugatia foki ha Iehova. Ka manamanatu a koe he aho ke he hūhū Tohi Tapu, tohi hifo mo matakupu he fakaako haau kahau.

  • Moua e au i fe e tau vala tala? Ke moua falu manatu, kitekite e vitiō Tau Puhala Kumikumi ke Moua e Tau Tanakiaga Fakaagaaga. Ke kamatamata e lotomatala haau, kumikumi e tau matahigoa he tau pule malolō he lalolagi ne fakamaama he tau manu favale ia Tanielu veveheaga 7.

  • Lata ke lahi fēfē e magaaho haaku ke fakaako? Ko e fakaako tumau ko e matapatu ke he malolō fakaagaaga. Maeke a koe ke kamata aki he fakakū e magaaho fakaako, ka lata ti fakaloaloa fakahaga. Ko e fakaako he Kupu he Atua kua tuga e keli hifo ke he tau koloa galo; ka loga e koloa haau ne moua, to lahi foki e manako haau ke kumi fakamakutu! (Ftai 2:3-6) Ko e manako haau ma e Kupu he Atua to tupu lahi, ti ko e fakaako tumau he Tohi Tapu to matutaki ke eke mo fakaholoaga haau.​—1Pe 2:2.

KO E HEIGOA NE HAGAAO E TAU MANU FAVALE IA TANIELU VEVEHEAGA 7 KI AI?

HŪHŪ FOKI:

Fakamooli fēfē e Tanielu 7:8, 24?

KUMIKUMI FOKI:

Ko e heigoa ne hagaao ki ai e tau manu favale ia Fakakiteaga 13?