Skip to content

Skip to table of contents

Tau Fakamoli a Iehova

Fifili e vagahau Faka-Niue

 MOUI KO E TAU KERISIANO

Fakatokoluga e Tau Tuaga he Mahani ha Iehova

Fakatokoluga e Tau Tuaga he Mahani ha Iehova

Fakatū e Iehova ko e Atua e tuaga he mahani ma e tau tagata. Tuga anei, ne poaki e ia ko e fakamauaga ko e fakalataha tukulagi he vahāloto he tagata taane mo e fifine. (Mat 19:4-6, 9) Ne vihiatia e ia e tau mahani feuaki oti kana. (1Ko 6:9, 10) Foaki foki e ia e tau matapatu fakaakoaga hagaao ke he tau mena tui mo e tauteuteaga ne vevehe kehe mai e tau tagata haana.​—Teu 22:5; 1Ti 2:9, 10.

He lalolagi mogonei, tokologa e tagata ne tiaki e tau tuaga ha Iehova. (Rom 1:18-32) Fakaatā e lautolu e tau manatu talahaua ke fakaohooho ha lautolu a tau mena tui mo e tauteuteaga, mo e tau mahani. Tokologa ne fakakite e mahani fakalialia ti ekefakakelea ki a lautolu ne momoui he taha puhala foki.​—1Pe 4:3, 4.

Ha ko e Tau Fakamoli a Iehova, kua lata a tautolu ke fakatokoluga tumau e tau tuaga he mahani he Atua. (Rom 12:9) Fēfē? Lata a tautolu ke talahau fakalilifu e tau mena ne talia e Ia. Ka kua lata foki a tautolu ke fakatumau e tuaga tokoluga he tau momoui ha tautolu. Tuga anei, he fifili e tau sitaila he tau mena tui mo e tauteuteaga, liga hūhū hifo a tautolu: ‘Fakakite nakai he tau fifiliaga haaku e tau tuaga ha Iehova po ke he lalolagi? Fakakite nakai he tau mena tui mo e tauteuteaga haaku ko au ko e Kerisiano matakutaku Atua?’ Po ke he fifili e polokalama po ke kifaga ke kitekite, liga hūhū hifo a tautolu: ‘To talia nakai e Iehova e polokalama nei? Ha hai e tau tuaga he mahani kua fakahakehake ai? Liga fakalolelole kia he fifiliaga haaku ke he tau fakafiafiaaga e tau mahani haaku? (Sal 101:3) Liga eke kia mo fakatupetupe ke he tau tagata he magafaoa po ke falu?’​—1Ko 10:31-33.

Ko e ha kua aoga lahi ke fakatokoluga tumau e tautolu e tau tuaga he mahani a Iehova? To nakai leva ti moumou e Iesu Keriso e tau motu mo e mahani kelea ha lautolu. (Esk 9:4-7) Ko lautolu ni ne taute e finagalo he Atua ka tumau. (1Io 2:15-17) Kia eketaha a tautolu ke fakatokoluga e tau tuaga he mahani ha Iehova ke maeke a lautolu ne kitekite mai ke he tau tuaga he mahani mitaki ha tautolu ke fakaheke e Atua.​—1Pe 2:11, 12.

Ko e heigoa ne talahau he tau fifiliaga haaku ke he tau mena tui mo e tauteuteaga ke he tau tuaga he mahani haaku?

KITEKITE E VITIŌ EKE MO KAPITIGA HA IEHOVA​TAHA E TAANE, TAHA E FIFINE, TI FAKATUTALA KE HE TAU HŪHŪ NĀ:

  • Ko e ha kua pulotu ai ke momoui he tau tuaga a Iehova?

  • Ko e ha kua lata he tau matua ke kamata ke fakaako e tau tuaga he mahani ha Iehova ke he ha lautolu a tau fanau he vahā ikiiki?

  • Maeke fēfē a lautolu ne ikiiki mo e momotua ke lagomatai e tau tagata ke aoga mai he mahani mitaki he Atua?