Skip to content

Skip to table of contents

Tau Fakamoli a Iehova

Fifili e vagahau Faka-Niue

 MOUI KO E TAU KERISIANO

Fakatolomaki ki Mua e Lotomatala ha Tautolu he Fekafekauaga​—Fakaaoga e Tau Hūhū Lauia Mitaki

Fakatolomaki ki Mua e Lotomatala ha Tautolu he Fekafekauaga​—Fakaaoga e Tau Hūhū Lauia Mitaki

KAKANO KUA AOGA AI: Kaeke “ko e tau fatuakiloto he tagata, ko e vai hokulo haia,” ko e tau hūhū mogoia kua tuga e pakete ke utu hake e tau mena he loto. (Ftai 20:5) Lagomatai he tau hūhū a tautolu ke putoia a lautolu ne fanogonogo mai. Ko e tau tali ke he tau hūhū kua fifili fakamitaki ne fa foaki e tali aoga. Fakaaoga e Iesu e tau hūhū lauia mitaki. Maeke fēfē a tautolu ke fifitaki a ia?

PUHALA KE TAUTE AI:

  • Hūhū e tau hūhū fakalagalaga manatu. Loga e tau hūhū ha Iesu ne hūhū ke iloa e manatu he tau tutaki haana. (Mat 16:13-16; be-E lau 238 para. 3-5) Ko e heigoa e tau hūhū fakalagalaga manatu ka hūhū e koe?

  • Hūhū e tau hūhū ke takitaki atu. Ke fakahako e puhala manamanatu ha Peteru, ne hūhū e Iesu e tau hūhū ti talahau e tau tali ka liga takitaki a Peteru ke he manatu hako. (Mat 17:24-26) Ko e heigoa e tau hūhū ke takitaki atu ka hūhū e koe ke lagomatai e taha ke moua e manatu hako?

  • Nava ke he tagata fanogonogo haau. Ko e tohikupu ne “tali mai a ia mo e iloilo,” ti nava e Iesu a ia. (Mar 12:34) Maeke fēfē a koe ke nava ke he taha ne tali e hūhū?

KITEKITE E VALA FAKAMUA HE VITIŌ TAUTE E GAHUA NE TAUTE E IESU​—FAKAAKO ATU, TI TALI E TAU HŪHŪ NĀ:

  • Ko e ha e puhala nei ko e fakataiaga he fakaakoaga nakai mitaki, pete kua hako e tau vala tala?

  • Ko e ha kua lata a tautolu ke lahi atu e mena ka taute ka e nakai fakamaama hokoia ni e tau vala tala?

KITEKITE E VALA KE UAAKI HE VITIŌ, TI TALI E TAU HŪHŪ NĀ:

  • Fakaaoga fēfē he matakainaga e tau hūhū lauia mitaki?

  • Ko e heigoa falu vala he fakaakoaga haana ka fifitaki e tautolu?

Lauia fēfē e falu ha ko e puhala fakaako ha tautolu? (Luk 24:32)