Skip to content

Skip to table of contents

Tau Fakamoli a Iehova

Fifili e vagahau Faka-Niue

 MOUI KO E TAU KERISIANO

Fakamatala mo e Fakaako Atu​—Aoga Lahi ma e Taute Tutaki

Fakamatala mo e Fakaako Atu​—Aoga Lahi ma e Taute Tutaki

Kua poaki e Iesu ke he tau tutaki haana ke o atu mo e taute tutaki. (Mat 28:19) Putoia he mena nei e fakamatala mo e fakaako atu. He falu magaaho, lata ke hūhū hifo, ‘Maeke fēfē au ke holo ki mua he tau faahi nei ne aoga lahi he gahua taute tutaki?’

FAKAMATALA

He nakai fakatali ke he tau tagata ke o mai ki a tautolu, kia hakahakau a tautolu he kumi ki a lautolu “kua lata.” (Mat 10:11) Ka fai vala a tautolu ke he gahua he fonua, mataala nakai a tautolu ke he tau magaaho ke tutala mo e tau tagata “ne feleveia” mo tautolu? (Gah 17:17) Ne eke a Litia mo tutaki ha ko e fua he fakamatala fakamakai he aposetolo ko Paulo.​—Gah 16:13-15.

“Kia gana e koe hāu a tau fua saito ke he magaaho pogipogi, ti aua neke okioki ai hāu a lima ke he afiafi” (Fma 11:6)

KITEKITE E VITIŌ FAKATUMAU KE FAKAMATALA MO E “NAKAI OKI”​—HE MAGAAHO NOA MO E TAHA FALE KE HE TAHA FALE, TI TALI E TAU HŪHŪ NĀ:

  • He fakaholoaga ha Samuel he tau aho takitaha, fakakite fēfē e ia e hakahakau he kumi ke tō e tau tega he kupu mooli?

  • Ko e ha kua lata a tautolu ke fakatumau he tau puhala fakamatala kehekehe?

  • Liga tala age e koe ki a hai e fekau he Kautu he fakaholoaga haau he tau aho takitaha?

FAKAAKO ATU

Ke taute tutaki, kua lata a tautolu ke lahi atu e gahua ka e nakai ni ko e toka he tau tohi ma e tau tagata. Ke lagomatai a lautolu ke holo ki mua fakaagaaga, lata a tautolu ke taute e tau liu aahi atu mo e taute e tau fakaako Tohi Tapu. (1Ko 3:6-9) Ka e kua ka nakai fua mitaki e tau laliaga fakamakutu ha tautolu ke fakaako e kupu mooli he Kautu ke he taha? (Mat 13:19-22) Lata a tautolu ke matutaki ke kumi a lautolu ne tuga e “kelekele mitaki” e tau loto.​—Mat 13:23; Gah 13:48.

“Ne to e au, ne fakamalū e Apolo, ka ko e Atua ni kua fakatutupu ai” (1Ko 3:6)

KITEKITE E VITIŌ FAKATUMAU KE FAKAMATALA MO E “NAKAI OKI”​—HE TOLOAGA TAGATA MO E TAUTE TUTAKI, TI TALI E TAU HŪHŪ NĀ:

  • Puhala fe ne fakamalū e Solomon mo Mary e tau tega he kupu mooli ke he tau loto ha Ezekiel mo Abigail?

  • Ko e heigoa e foliaga ha tautolu ke he tau faahi oti he fekafekauaga, putoia e fakamatala ke he toloaga tagata?

  • Liga maeke fēfē a tautolu ke peehi fakalahi e fakaako atu he kupu mooli ke he falu?