Skip to content

Skip to table of contents

Tau Fakamoli a Iehova

Fifili e vagahau Faka-Niue

 MOUI KO E TAU KERISIANO

Fakafeleveia Mafanatia ki a Lautolu

Fakafeleveia Mafanatia ki a Lautolu

Fakafeleveia mafanatia ki a hai? Ke he ha tagata ne fakalataha ke he tau feleveiaaga Kerisiano ha tautolu​—mai ia lautolu ne o mai foou ke hoko ke he tau kapitiga kua leva. (Rom 15:7; He 13:2) Liga ko e matakainaga ne ahiahi mai he taha motu po ke Kerisiano ne nakai gahuahua fakaagaaga kua liu fakalataha mai laia ke he feleveiaaga he loga e tau tau. Manamanatu ke he logonaaga haau he tau tuaga pihia. To fakaaue nakai a koe ke he fakafeleveiaaga mafanatia? (Mat 7:12) He ha he eketaha ke fano mo e fakafeleveia ke he falu he Fale he Kautu ato kamata mo e ka oti e feleveiaaga? Lafi atu e mena nei ke he logonaaga mafanatia mo e fiafia ti fakaheke atu ai ki a Iehova. (Mat 5:16) Mooli, to liga nakai maeke ke tutala ke he tau tagata oti. Ka e mafanatia e tau tagata oti ka igatia a tautolu mo e fai vala ki ai. *

Ko e mahani fakamokoi mooli kua nakai ni fakakite he tau magaaho pauaki ke tuga e Fakamanatuaga ka e he tau magaaho oti. Ka kitia mo e logona e lautolu ne o mai foou e gahuahuaaga he fakaalofa Kerisiano, liga omoomoi a lautolu ke fakaheke e Atua mo e fakalataha mo tautolu ke he tapuakiaga meā.​—Ioa 13:35.

^ para. 3 Fakakaupā he tau matapatu fakaakoaga he Tohi Tapu e fehagaiaga ha tautolu mo lautolu kua tuku ki tua he fakapotopotoaga po ke vevehe kehe pauaki, ne liga o mai ke he tau feleveiaaga.​—1Ko 5:11; 2Io 10.