Skip to content

Tau Fakamoli a Iehova

Fifili e vagahau Faka-Niue

Ko e Ha ne Nakai Fakahigoa he Tau Fakamoli a Iehova e Matakavi Feleveiaaga ha Lautolu ko e Fale Tapu?

Ko e Ha ne Nakai Fakahigoa he Tau Fakamoli a Iehova e Matakavi Feleveiaaga ha Lautolu ko e Fale Tapu?

I loto he Tohi Tapu, ko e kupu Heleni ne fa fakaliliu “ekalesia” kua hagaao ke he matakau he tau tagata tapuaki, nakai hagaao ke he fale ne fakalataha a lautolu i ai.

Mailoga e fakataiaga nei: Magaaho ne tohi e aposetolo ko Paulo ke he tau Kerisiano i Roma, ne fakafano e ia e tau fakaalofa ke he hoa ko Akula mo Pisila ti pehē: “Fakaalofa foki ke he ekalesia ha ha he fale ha laua.” (Roma 16:5) Nakai amanaki a Paulo ke fakahoko e tau fakaalofa haana ke he fale. Ka kua fakafano atu e tau fakaalofa haana ke he tau tagata​—ko e fakapotopotoaga ne fakalataha auloa he kaina ia. *

Nakai fakahigoa e tau matakavi tapuaki ha mautolu ko e fale tapu, fakaaoga e mautolu e talahauaga “Fale he Kautu.”

Ko e Ha ne Fakahigoa “Fale he Kautu he Tau Fakamoli a Iehova”?

Felauaki e talahauaga nei ke he loga e kakano:

  • Ko e fale po ke matakavi ne feleveia ai.

  • Feleveia a mautolu ke tapuaki ki a Iehova, ko e Atua he Tohi Tapu, mo e fakamooli hagaao ki a ia.​—Salamo 83:18; Isaia 43:12.

  • Feleveia foki a mautolu ke fakaako hagaao ke he Kautu he Atua ne tutala tumau a Iesu ki ai.​—⁠Mataio 6:9, 10; 24:14; Luka 4:43.

Maeke a koe ke ahiahi ke he Fale he Kautu ne tata ki a koe ke kitia ne koe e puhala he tau feleveiaaga he Tau Fakamoli a Iehova.

^ para. 3 Pihia foki e tau talahauaga ia 1 Korinito 16:19; Kolose 4:15; mo e Filemoni 2.