Skip to content

Tau Fakamoli a Iehova

Fifili e vagahau Faka-Niue

Fakatupe Fēfē he Tau Fakamoli a Iehova e Gahua ha Lautolu?

Fakatupe Fēfē he Tau Fakamoli a Iehova e Gahua ha Lautolu?

Ko e gahua fakamatala ha mautolu kua leveki fakatupe ni he tau mena foaki fakaalofa he Tau Fakamoli a Iehova. Nakai oko tupe e tau feleveiaaga ha mautolu, mo e nakai poaki ke tuku e mena ke hogofuluaki he tau matakainaga. (Mataio 10:7, 8) Ka e ha ha i ai e tau puha foaki mena fakaalofa he tau matakavi feleveiaaga ha mautolu, ke maeke ha tagata ke tuku e mena fakaalofa ka manako ke taute pihia. Nakai iloa ko hai ne foaki e mena fakaalofa.

Taha kakano ne ai mole lahi e tau tupe ha mautolu, ha kua ai fai akoako ke totogi. Lafi ki ai, kua nakai totogi e Tau Fakamoli he o ke he taha fale mo e taha fale, mo e tau fale tapuaki ha mautolu kua maopoopo.

Ko e tau mena fakaalofa ne fakafano ke he tau la ofisa he Tau Fakamoli a Iehova ne kua fakaaoga ke lagomatai a lautolu ne lauia he tau matematekelea tutupu pauaki, lalago aki e tau misionare mo e tau fekafekau ahiahi, lagomatai ke tālaga aki e tau fale tapuaki he tau motu ne tupu lahi, mo e lolomi mo e fakafano e tau Tohi Tapu mo e falu tohi faka-Kerisiano.

Igatia e tagata mo e fifili ke foaki mena fakaalofa ma e tau tupe fakamole he fakapotopotoaga mo e gahua ha mautolu he lalolagi katoa. Taute tumau he tau fakapotopotoaga takitaha e tau fakamauaga fakatupe ke lata mo e tau matakainaga.