Skip to content

Tau Fakamoli a Iehova

Fifili e vagahau Faka-Niue

TAU VITIŌ FAKAAKO

Tau Hafagiaga he Tau Tohi he Tohi Tapu

Ko e tau vitiō kūkū fakaako anei kua foaki e tau vala tala aoga ke he tau fakamaamaaga mo e tau mataulu he tau tohi he Tohi Tapu. Fakaaoga e tau fakaakoaga nei ke fakaholo ki mua haau a totou mo e fakaako ke he Tohi Tapu.

Hafagiaga he Tohi a Ieremia

Fakamooli ha Ieremia ke he haana kotofaaga, he perofeta pete he uka. Manamanatu ke he fakafifitakiaga aoga haana ma e tau Kerisiano he vahā nei.

Hafagiaga he Tohi a Tagi Aue a Ieremia

Tohia e Ieremia e Tohi a Tagi Aue ne fakakite e momoko lahi ke he moumou ne hoko ki a Ierusalema mo e puhala ne takitaki ke he tokihala ke moua e fakaalofa noa.

Hafagiaga he Tohi a Esekielu

Ko Esekielu ne fakatokolalo mo e loto malolō he taute e gahua ne age he Atua, pete he uka. Ko e fakataiaga haana ne aoga ma tautolu mogonei.

Hafagiaga he Tohi a Tanielu

Ko Tanielu mo e haana tau kapitiga ne tumau fakamooli ki a Iehova he tau mena oti. Ko e ha lautolu a fakataiaga mo e fakamooli he perofetaaga, ka aoga ma tautolu he mogonei, mo e vahā he fakaotiaga.

Hafagiaga he Tohi a Hosea

Ko e perofetaaga ha Hosea ne kua fakaako ki a tautolu hagaao ke he fakaalofa noa ha Iehova ki a lautolu ne tokihala, mo e tapuakiaga ne manako a ia ki ai.

Hafagiaga he Tohi a Ioelu

Ko e perofetaaga ha Ioelu ne hagaao ke he “aho ha Iehova” mo e puhala ke moua e moui. Kua mafiti lahi e perofetaaga haana he mogonei.

Hafagiaga he Tohi a Amosa

Fakaaoga e Iehova e tagata loto tokolalo nei ke taute e gahua aoga. Ko e heigoa e fekau aoga ka ako e tautolu mai he fakafifitakiaga ha Amosa?

Hafagiaga he Tohi a Opetaia

Ko e tohi kū he tau Tohiaga Tapu Heperu. Foaki he perofetaaga e amanakiaga mo e maveheaga he tuaga patuiki ha Iehova.

Hafagiaga he Tohi a Iona

Ko e perofeta ko Iona ne tohia ni e ia e haana tohi he talia e fakahakoaga, fakamooli e kotofaaga, mo e fakaako e fakaalofa mooli mo e fakaalofa noa he Atua. Ko e tau mena ne tutupu ki a ia ka fakamafanatia e loto haau.

Hafagiaga he Tohi a Mika

Ko e perofetaaga mai he Atua ke fakamalolō e mauokafua ha tautolu ke he ole a Iehova ki a tautolu ke he mena ne kua maeke mo e aoga.

Hafagiaga he Tohi a Nahuma

Foaki mai he perofetaaga e mauokafua ki a tautolu to fakamooli tumau e kupu a Iehova mo e puhala ne fakamafana e ia a lautolu ne kumi e mafola mo e fakahaoaga i lalo he haana Kautu.

Hafagiaga he Tohi a Hapakuka

Mauokafua a tautolu na iloa e Iehova e magaaho mo e puhala ne mua e mitaki, ke fakahao e haana tau tagata.

Hafagiaga he Tohi a Sefanaia

Ko e ha ne lata ke kalo kehe a tautolu he manatu to nakai hoko mai e aho ha Iehova?

Hafagiaga he Tohi a Hakai

Ne fakakite he perofetaaga e aoga he tuku fakamua e tapuakiaga he Atua ke he tau mena he tino.

Hafagiaga he Tohi a Sakaria

Loga e tau fakakiteaga he Atua mo e tau perofetaaga ne fakamalolō e tau tagata he Atua he vahā tuai. Ko e tau perofetaaga nei ne matutaki agaia ke mauokafua a tautolu ke he lalagoaga ha Iehova.

Hafagiaga he Tohi a Malaki

Ko e perofetaaga ne hagaao ke he tau fakaakoaga nakai hiki ha Iehova, ko e fakaalofa noa mo e fakaalofa. Talahau foki he perofetaaga e tau fakaakoaga ne lata mo e vahā nei ha tautolu.

Hafagiaga he Tohi a Mataio

Fiafia ke he tau manatu mai he Tohi Tapu he tohi a Mataio, ko e tohi fakamua he tau Evagelia ne fa.

Hafagiaga he Tohi a Mareko

Ko e tohi kū he tau Evagelia, ne fakakite he tohi a Mareko ko Iesu e Patuiki he Kautu he Atua i anoiha.

Hafagiaga he Tohi a Luka

Ko e heigoa e talahauaga he tohi a Luka ne kua kehe lahi?

Hafagiaga he Tohi a Ioane

Talahau he tohi a Ioane e fakaalofa ha Iesu ma e tau tagata, haana mahani fakatokolalo mo e ko ia ko e Mesia​—mo e Patuiki he vahā anoiha he Kautu he Atua.