Skip to content

Tau Fakamoli a Iehova

Fifili e vagahau Faka-Niue

Ko e Heigoa Haaku ka Ole he Liogi?

Ko e Heigoa Haaku ka Ole he Liogi?

Ko e tali he Tohi Tapu

Maeke a koe ke liogi ma e ha mena ne kua lautatai mo e tau mena ne talia he Atua i loto he Tohi Tapu. “Kaeke ke ole atu ai e tautolu ha mena ke lata mo e hana [Atua] finagalo, ti fanogonogo mai ai a ia kia tautolu.” (1 Ioane 5:14) Maeke nakai a koe ke talahau e tau tupetupe fakatagata haau? Ē. Pehē e Tohi Tapu: “Kia fakatokanoa e mutolu ha mutolu a tau loto ki mua [he Atua].”—Salamo 62:8.

Fakataiaga he tau mena ke ole ka liogi

  • Tua ke he Atua.—Luka 17:5.

  • Agaaga tapu, po ke malolō gahuahua he Atua ke lagomatai a koe ke taute e mena hako.—Luka 11:13.

  • Malolō ke fehagai mo e tau lekua mo e ke totoko e kamatamata.—2 Korinito 4:7.

  • Mafola he loto po ke fakatotoka.—Filipi 4:6, 7.

  • Iloilo ke taute e tau fifiliaga mitaki.—Iakopo 1:5.

  • Lagomatai ma e tau levekiaga he tau aho takitaha.—Mataio 6:11.

  • Fakamagalo e tau agahala.—Mataio 6:12.