Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Mambarita—Edisi Palajaran  |  Oktober 2017

En Pahari Katawan?

En Pahari Katawan?

Mbuhen Yesus mangahana itah manampa sumpah?

SASUAI Hukum Musa, uluh tau manampa sumpah dengan mansanan, ”Aku basumpah huang aran Yehowa.” Tapi hong jaman Yesus, uluh Yehudi rancak tutu manampa sumpah, nyamah akan narai bewei je insanan ewen. Ewen malalus’ah mangat uluh labih percaya auh ewen. Tapi, due kali Yesus mangahana kebiasaan tuh. Yesus majar, ”Sewut ih ’Yoh’ atawa ’Dia’.”​—Mateus 5:33-37; 23:16-22.

Ije kamus Alkitab manjelas, bara kitab Talmud itah tau mangatawan uluh Yehudi rancak tutu manampa sumpah uka mambukti kare auh ewen te bujur. Jituh awi Talmud mancatat uras keterangan tahiu kueh bewei sumpah je musti ilalus tuntang je tau ilanggar.

Dia baya Yesus je dia setuju dengan gawin tuh. Suntu, ahli sejarah Yehudi, Flavius Yosefus manulis tahiu ije sekte Yehudi je mangahana anggota uka manyewut sumpah. Akan ewen, manampa sumpah labih papa bara mananjaru. Ewen mangkeme amun tege ije biti uluh je musti manampa sumpah akan manampa uluh beken percaya, pasti uluh te pananjaru. Apokrifa Yehudi huang catatan Kebijaksanaan Sirakh, atawa Eklesiastikus, (23:11) hamauh, ”Uluh je rajin manampa sumpah, papa hapus atei’ah.” Yesus mansanan amun itah dia tau manampa sumpah akan kare hal je dia penting. Amun itah harajur mansanan katutu, itah dia perlu manampa sumpah mangat uluh percaya dengan itah.