Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Lambar Palajaran Pelayanan tuntang Pambelum  |  September 2016

 PAMBELUM KRISTEN

Pire-Pire Hal je Musti Ihakan Metuh Malalus Palajaran Alkitab

Pire-Pire Hal je Musti Ihakan Metuh Malalus Palajaran Alkitab
PAYAH
Text
Image

Lalau Are Bapander: Pahari dia perlu manjelas uras’ah. Yesus mahapan kare paisek uka mandohop uluh bapikir tuntang sampai akan kesimpulan je bujur. (Mat 17:24-27) Kare paisek manampa je balajar Alkitab labih purah harati tuntang mandohop Pahari mangatawan narai je ingatawan tuntang imercaya awi uluh je balajar Alkitab dengan Pahari. (be-IN 253 ¶1-2) Metuh manenga paisek, keleh basabar tuntang manunggu iye manjawab. Amun uluh je balajar Alkitab manenga jawaban je sala, ela mansanan jawaba, imbit iye akan kesimpulan je bujur dengan manampa paisek tambahan. (be-IN 238 ¶2-3) Keleh bapander dengan cara je manampa uluh je balajar purah marima gagasan taheta.be-IN 230 ¶4.

Manampa Jadi Bahali: Ela tagoda uka manjelas uras pokok je ingatawan Pahari tahiu hal je imbahas. (Yoh 16:12) Imbit perhatian akan pokok-pokok utama hong paragrap. (be-IN 226 ¶4–227 ¶1) Penjelasan tambahan, aluh menarik, tau mangabur pokok utama. (be-IN 235 ¶3) Amun pokok utama jadi imengerti awi je balajar, keleh malanjut akan paragrap limbah te.

Baya Manyampai Bahan: Tujuan itah dia baya manyampai bahan, tapi manggerek atei. (Luk 24:32) Hapan kuasan bara Firman Hatalla dengan manenga perhatian akan ayat je manjadi kunci bara palajaran. (2Kor 10:4; Ibr 4:12; be-IN 144 ¶1-3) Hapan paribasa je purah imengerti. (be-IN 245 ¶2-4) Coba mikir tantangan tuntang keyakinan pribadi je balajar, tuntang nyasuai palajaran aka. Coba misek paisek tuh: ”Narai je ingkemem tahiu narai je ilajarmu hong hetuh?” ”Narai je iajar bahan jituh akan itah tahiu Yehowa?” ”Narai manpaat je inampayahmu amun malalus nasehat tuh?”be-IN 238 ¶3-5; 259 ¶1.