Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Lambar Palajaran Pelayanan tuntang Pambelum  |  Oktober 2017

 PAMBELUM KRISTEN

Kilen Ampi Mangat Itah Rajin Balajar Alkitab?

Kilen Ampi Mangat Itah Rajin Balajar Alkitab?

En kah Pahari handak tatap satia kilau Daniel aluh manaharep kapehe? Daniel rajin balajar Firman Hatalla, termasuk kea kare tujum. (Dan 9:1, 2) Amun itah rajin balajar Alkitab, itah tau tatap satia. Mbuhen? Awi itah akan sasar baiman amun janji Yehowa akan manjadi. (Yos 23:14) Itah kea akan sasar sinta dengan Hatalla, tuntang jite akan manggerek itah uka malalus narai je bujur. (Mas 97:10) Tapi, kilen ampi cara mangat itah rajin balajar Alkitab? Nantuani pire-pire saran tuh:

  • Narai bahan palajaran je tau ihapan? Ije bara kare bahan palajaran je tau ihapan iete bahan akan pumpung. Itah tau mandinun labih are guna bara pambasaan Alkitab mingguan itah amun itah mariksa labih are hindai tahiu ayat je dia lalau itah harati. Beken bara te, tege je mintih uka balajar tahiu tujum Alkitab, kare bagian bara bua roh, jalanan utusan injil Rasul Paulus, atawa tahiu narai je jadi injapa Yehowa. Amun Pahari tapikir ije paisek, nulis paisek te tuntang nampa jite manjadi bahan akan palajaran selanjut’ah.

  • Bara kueh aku tau mandinun bahan’ah? Akan pilihan, coba payah video Sarana Riset untuk Menggali Harta Rohani. Hong video te, tege pire-pire sumber bahan je tau ihapan. Uka manampara, coba riksa tahiu kuasa dunia kueh je inggambar awi metu basiak hong Daniel pasal 7.

  • Pire katahi aku musti balajar? Uka tau tatap rantep dengan Hatalla, itah musti manetep waktu uka balajar. Amun perlu, Pahari tau manampara hanjulu helun. Limbah te, sasar tahi Pahari tau manambah waktu balajar Pahari. Balajar Firman Hatalla te sama kilau mangali panatau je basilim. Sasar are panatau je indinun Pahari, sasar basemangat kea Pahari mangali. (Sew 2:3-6) Pahari akan sasar handak balajar Firman Hatalla, tuntang balajar Alkitab akan manjadi kabiasaan huang pambelum Pahari.​—1 Ptr 2:2.

NARAI JE INGGAMBAR AWI METU BASIAK HONG DANIEL PASAL 7?

  • Dan 7:4

  • Dan 7:5

  • Dan 7:6

  • Dan 7:7

PAISEK TAMBAHAN:

Kilen ampi Daniel 7:8, 24 buju-bujur manjadi?

BAHAN SELANJUT’AH:

Narai je inggambar awi kare metu basiak hong Pangarinah pasal 13?