Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Lambar Palajaran Pelayanan tuntang Pambelum  |  Maret 2017

 PAMBELUM KRISTEN

Cara Mahapan Manyeneh Auh Hatalla

Cara Mahapan Manyeneh Auh Hatalla

Brosur Manyeneh Auh Hatalla inampa akan majar dasar katutun Alkitab mahapan gambar akan uluh je bahali harati amun balajar bara tulisan. Genep palajaran tege due halaman je melai huang’ah tege kare gambar je inenga tanda panah uka manantiring pembahasan bara ije gambar akan gambar je beken.

Kare gambar huang brosur Manyeneh Auh Hatalla Mangat Belum Katatahie sama dengan je tege huang brosur Manyeneh Auh Hatalla. Tapi, Manyeneh Auh Hatalla Mangat Belum Katatahie labih are tulisa tuntang tau ihapan awi uluh balajar je tau mambasa. Bahut, penyiar mahapa akan panduan amun je balajar mahapan Manyeneh Auh Hatalla. Hong pire-pire halaman tege kotak dengan keterangan tambahan je tau imbahas, tergantung dengan kasanggup je balajar.

Pahari tau manawar brosur tuh pea bewei aluh beken penawaran akan bulan te. Metuh mamimpin palajaran, keleh mahapan gambar uka manjelas isi Alkitab. Nampa paisek mangat iye umba huang pembahasan tuntang uka mamasti amun iye paham. Mbasa tuntang mbahas kare ayat je tege hong bagian penda genep halaman. Limbah brosur tuh jadi imbahas lepah, keleh malanjut’ah mahapan buku Apa yang Sebenarnya Alkitab Ajarkan? mangat je balajar tau manampa kemajuan sampai iye impandui.