Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Lambar Palajaran Pelayanan tuntang Pambelum  |  Juni 2017

 PAMBELUM KRISTEN

Keleh Manumun Hadat je Bahalap ain Yehowa

Keleh Manumun Hadat je Bahalap ain Yehowa

Hatalla Yehowa manenga hadat bahalap je tau inumun awi kalunen. Misal’ah Iye maatur mangat pangawin mampahinje ije uluh hatue tuntang ije uluh bawi akan katatahi. (Mat 19:4-6, 9) Iye manyapa uras taluh gawi harayap. (1Kor 6:9, 10) Hatalla manambah kea prinsip atawa aturan tahiu cara hapakaian tuntang ampin dandanan je manampa ungkup-Ai babeda.Deu 22:5; 1Tim 2:9, 10.

Wayah tuh, tapaare uluh dia maku manumun hadat je bahalap ain Yehowa. (Rm 1:18-32) Bahut, huang taluh gawin tuntang ampin dandanan, tuntang metuh ewen hapakaian, tapaare bara ewen manumun gaya uluh are. Are bara ewen je sanang dengan taluh gawin ewen je papa tuntang mahina uluh je dia maku umba ewen malalus taluh gawin ewen je papa.1Ptr 4:3, 4.

Awi itah ije biti Saksi Yehowa, itah musti bahanyi manumun hadat je bahalap ain Yehowa. (Rm 12:9) Kilen ampi cara? Itah musti dengan harati mansanan akan kakare uluh narai je ingahandak Hatalla. Tapi, arep kabuat musti harajur manumun hadat bahalap ain Yehowa je gantung. Misal’ah, metuh itah mintih gaya hapakaian tuntang ampin dandanan, itah tau mangumang, ’En kah je intihku mamparahan hadat je bahalap ain Yehowa atawa kabiasaan hong dunia tuh? En kah caraku hapakaian tuntang ampin dandananku mamparahan amun aku tuh uluh Kristen je mahormat Hatalla?’ Atawa metuh mintih canel hong TV tuntang mintih film, itah tau mangumang, ’En kah Yehowa rajin dengan taluh je inampayahku? Film tuh mamparahan hadat je kilen ampi? En kah hiburan je intihku tuh tau manampa hadatku je sulak’ah bahalap jadi sasar bakurang? (Mas 101:3) En kah hal te tau mawi sabab keluarga atawa uluh beken tantarang atawa tersandung?’1Kor 10:31-33.

Mbuhen penting tutu uka manumun hadat je bahalap ain Yehowa? Dia pire ndai, Yesus Kristus cagar mampahancur kakare bangsa tuntang uras taluh gawi je papa. (Es 9:4-7) Baya ewen je malalus kahandak Hatalla je akan salamat. (1Yoh 2:15-17) Maka, ayo itah manumun hadat bahalap ain Yehowa mangat kakare uluh manampayah taluh gawi itah je bahalap uka manara Hatalla.1Ptr 2:11, 12.

Narai je imparahan awi caraku hapakaian tuntang ampin dandananku tahiu hadatku?

NONTON VIDEO MENJADI SAHABAT YEHUWA—SATU PRIA, SATU WANITA, LIMBAH TE JAWAB PAISEK TUH:

  • Mbuhen manumun aturan Yehowa tahiu hadat je bahalap, mamparahan amun itah te harati?

  • Mbuhen uluh bakas musti majar hadat je bahalap ain Yehowa akan anak ewen bara metuh kakurik?

  • Kilen ampi uluh je bakas tuntang tabela tau mandohop uluh beken mandinun guna bara kahalap Yehowa?