Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Lambar Palajaran Pelayanan tuntang Pambelum  |  Juni 2017

 PAMBELUM KRISTEN

Mandinu Kahanjak huang Gawi Pangabaran

Mandinu Kahanjak huang Gawi Pangabaran

En puji Pahari mangkeme bahali metuh mangabar? Tapaare manjawab yoh. Mbuhen? Mungkin awi itah rancak hasundau dengan uluh je dia mamparahan minat atawa dia bajenta. Atawa, itah mikeh bapander dengan uluh je dia itah kasene. Jituh pasti mawi itah dia lalau hanjak. Tapi, Hatalla je bahagia mangahandak itah manempu Iye dengan kahanjak. (Mas 100:2; 1Tim 1:11) Narai telu alasan uka itah rajin mangabar?

Je sulak’ah, barita itah manenga kaharaptuntang kahanjak. Wayah tuh, sasar are uluh je mangkeme jatunti harapan. Tapi itah tau mansanan akan uluh ’barita bahalap tuntang barita kamangat.’ (Yes 52:7) Sahelu bara itah mangabar, keleh itah mangumang kare berkat Karajaan Hatalla hong bumi.

Je kadue, barita bahalap je inyampai itah baguna akan kakare uluh en te secara jasmani atawa rohani. Ewen tau balajar manganan kabiasaan je tau marugi tuntang mandinun kasempatan uka belum katatahi. (Yes 48: 17, 18; Rm 1:16) Itah ulih mambayang arep itah kilau malalus gawi uka manggau tuntang manyalamat. Aluh tege je dia maku inyalamat, itah tarus manggau eweh je handak.Mat 10:11-14.

Je katelu, tuntang je mambatang, pangabaran itah tuh mahormat Yehowa. Iye maanggap hal tuh penting tutu. (Yes 43:10; Ibr 6:10) Hayak, Iye manenga roh barasih-Ai nyamah malabien akan itah uka malalus gawi tuh. Jadi, keleh balakudoa uka dinun kahanjak, bua bara roh barasih. (Gal 5:22) Dengan pandohop Yehowa, itah tau malawan angat kikeh tuntang mangabar dengan bahanyi. (Gaw 4:31) Maka, itah tau hanjak malalus gawi mambarita, dia soal narai bewei tanggapan uluh.Es 3:3.

Kueh angat pangkeme je ingahandak Pahari tahiu pangabaran?Kilen ampi Pahari mamparahan kahanjak?

NONTON VIDEO MENGEMBALIKAN SEMANGAT DENGAN BELAJAR DAN MERENUNG, LIMBAH TE JAWAB PAISEK TUH:

  • Aluh genep bulan itah rajin mangabar, mbuhen kabiasaan kuman panginan rohani musti manjadi hal je mambatang?

  • Narai je perlu nyuntu itah bara Mary?

  • Pea Pahari manyadia waktu uka mangumang Firman Hatalla?

  • Narai je manampa Pahari sanang metuh mangabar?