Langsung ke konten

Langsung ke daftar isi

Saksi-Saksi Yehuwa

Pilih bahasa Dayak Ngaju

 PAMBELUM KRISTEN

”Hormat Bapam tuntang Indum”

”Hormat Bapam tuntang Indum”

Metuh Yesus hong bumi, iye maulang parentah, ”Hormat bapam tuntang indum.” (Eks 20:12; Mat 15:4) Yesus bahanyi hamauh kilau te awi iye ”manumon auh” uluh bakas’ah metuh iye tabela. (Luk 2:51) Metuh iye dewasa, sahindai pampatei’ah iye mamasti mangat indu tege je mahaga limbah iye matei.​—Yoh 19:26, 27.

Wayah tuh kea, anak tabela Kristen je manumun uluh bakas tuntang sopan bapander dengan ewen mamparahan hormat. Sapuna, parentah uka mahormat uluh bakas te jatunti batas’ah. Aluh ewen jadi hongko, itah musti harajur mahormat ewen dengan balajar bara kaharatin ewen. (Sew 23:22) Itah kea mahormat uluh bakas itah dengan manantuani narai je imerlu ewen secara jasmani tuntang emosi. (1Tim 5:8) En itah tabela atawa jadi bakas, mahaga hubungan bahalap dengan uluh bakas iete kunci uka mahormat ewen.

NONTON ANIMASI PAPAN TULIS BAGAIMANA SUPAYA ORANG TUAKU MENGERTI AKU? TUNTANG JAWAB KARE PAISEK TUH:

  • Mbuhen ikau mungkin mangkeme bahali uka bapander dengan uluh bakasmu?

  • Kilen ampi ikau mahormat uluh bakasmu metuh bapander dengan ewen?

  • Mbuhen usaha uka bapander dengan uluh bakasmu dia sia-sia? (Sew 15:22)

    Bapander dengan uluh bakasmu tau manampa ikau bahasil huang pambelum