Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Lambar Palajaran Pelayanan tuntang Pambelum  |  April 2017

 PAMBELUM KRISTEN

Nambang Ewen dengan Bajenta

Nambang Ewen dengan Bajenta

Eweh je nambang itah? Eweh bewei je dumah—en te uluh je haru sinde dumah atawa kakawalan huran. (Rm 15:7; Ibr 13:2) Mungkin kea ewen te Pahari seiman itah bara negara beken atawa penyiar je haru dumah hapumpung tinai limbah katahin banyelu dia aktif. Kilen ampi angat pangkeme Pahari amun jadi ewen? Pasti Pahari marega tutu tambang tuntang kajenta ewen, kalo? (Mat 7:12) Awi te, keleh itah labih cangkal manukep ewen tuntang manambang ewen hong Balai Karajaan, sahindai atawa limbah pumpung. Jituh tau manampa itah rantep tuntang mampahanjak, hayak mimbit tara akan Yehowa. (Mat 5:16) Puna, itah mungkin dia tau bapander dengan uras je dumah. Aluh kalute, amun itah malalus’ah, genep uluh tau mangkeme amun ewen inarima. *

Jelas, itah handak harajur manambang uluh je dumah dengan bajenta hong genep acara pumpung. Metuh sulak uluh te dumah iye tau manampayah tuntang mangkeme sintan Kristen itah, ewen tau tagarak uka manara Hatalla tuntang baibadat haya-hayak dengan itah.​—Yoh 13:35.

^ par. 3 Manumun prinsip Alkitab, itah dia handak bapander dengan uluh je buah pecat atawa je mangejau arep bara ungkup je dumah huang pumpung.​—1Kor 5:11; 2Yoh 10.