Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Lambar Palajaran Pelayanan tuntang Pambelum  |  Februari 2017

 PAMBELUM KRISTEN

Hapan Kaharati Mangguna Basaan

Hapan Kaharati Mangguna Basaan

Yesus mansanan, ”Keton jari manarima kare taloh samandiai te dia imbayar. Jadi tenga kea jete kilau te kea.” (Mat 10:8) Itah manumun parentah tuh dengan dia mambeban uluh dengan balaku bayaran akan regan Alkitab atawa basaan je indasar bara Alkitab. (2Kor 2:17) Aluh kalute, basaan itah tatap barega awi melai huang’ah katutu bara Hatalla. Hai usaha tuntang biaya akan mancetak tuntang mangirim basaan akan kare ungkup hong hapus dunia. Awi te, duan sasuai je imerlu itah.

Hapan kaharati metuh manenga basaan akan uluh beken, mahin hindai metuh mangabar hong eka umum. (Mat 7:6) Bara hatenga-tenga akan uluh je mahalau, keleh bausaha uka tau bapander dengan ewen uka mamasti minat’ah. En tau Pahari manjawab iyoh sadadia akan ije paisek hong kotak silan tuh? Amun Pahari dia ulih mamasti minat ije biti uluh, je paling bahalap manenga aka risalah. Amun iye balaku basan beken, dengan sanang atei itah manenga aka.—Sew Sal 3:27, 28.