Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Jawaban Akan 10 Paisek Anak Tabela

 PAISEK 7

Kilenampi Aku Manaharep Godaan Bahubungan Seks?

Kilenampi Aku Manaharep Godaan Bahubungan Seks?

MBUHEN PENTING

Keputusam tahiu seks mimbit pengaruh hai akan masa depanmu.

NARAI JE INGGAWIM?

Mikir kesah jituh: Hesti baya due bulan kasene dengan Miko, tapi iye mangkeme kilau jadi tahi kasene Miko. Ewen rancak ba-SMS, ewen tau bapander labih ije jam hong telpon, ewen kea rancak cocok pander! Tapi Miko handak labih bara bapander.

Jadi due bulan tuh, Miko tuntang Hesti baya mimbing lenge tuntang hasium lingkau. Hesti dia handak labih. Tapi iye dia handak Miko malihi iye. Jatun je manampa iye mangkeme bakena, istimewa. ’Beken bara te,’ huang atei Hesti, ’Miko tuntang Aku sama-sama sayang . . . ’

Amun ikau sukup umur akan bapacar tuntang manaharep kaadaan je sama kilau Hesti, narai je inggawim?

TENDE TUNTANG MIKIR!

Hubungan seks iete panengan Hatalla baya akan uluh je jadi kawin. Hubungan seks sahindai kawin marusak panengan te. Sama kilau manduan lukisan bahalap je inenga uluh akam akan ihapan manjadi kain lap

Amun ikau malawan hukum alam—akan suntu ikau manangkajuk bara eka je gantung—ikau buah kapehe akibat bara gawim. Kalute kea amun ikau malanggar parentah Hatalla. Akan suntu, tege hukum je mansanan ”mangejau kakare gawi je harayap.”1 Tesalonika 4:3.

Narai akibat amun dia tumun hukum jituh? Alkitab hamauh, ”Oloh je mawi gawi karayap, rimae ie mawi dosa dengan biti-bereng ayue kabuat.” (1 Korintus 6:18) En jite bujur?

 Kare paneliti mangatawan amun are anak tabela je manggawi hubungan seksual sahindai kawin sinde atawa pire-pire kali mangkeme akibat tuh.

  • KAPEHEN ATEI. Are anak tabela je mawi hubungan seks sahindai kawin manyasal limbah manggawi.

  • DIA PERCAYA. Limbah mawi hubungan seks, je bawi tuntang hatue misek huang atei, ’Eweh hindai je jadi bahubungan seks denga?’

  • KACEWA. Sapuna, uluh bawi rajin dengan hatue je manjaga iye—beken manggau kauntung bara iye. Tuntang kakarean hatue dia rajin dengan bawi je dia bahali irayu ewen.

  • Inti: Amun ikau bahubungan seks sahindai kawin, ikau dia marega arepmu dengan manyia ije hal je barega. (Roma 1:24) Bitim tapahalau barega akan inenga kalute bewei!

Parahan amun ikau kuat akan ”mangejau kakare gawi je harayap.” (1 Tesalonika 4:3) Maka, amun sampai katika ikau jadi kawin, ikau tau bahubungan seks. Tuntang ikau buju-bujur mandinun kasanang, jatun angat mikeh, manyasal, atawa curiga je rancak ingkeme uluh je hindai kawin limbah bahubungan seks.—Sewut Salomo 7:22, 23; 1 Korintus 7:3.

 Narai Kuam?

  • En uluh je buju-bujur sayang dengam akan mangapehe biti berengmu tuntang ateimu?

  • En uluh je buju-bujur peduli dengam mimbit ikau manampa gawi je mambahaya hubungam dengan Hatalla?Ibrani 13:4.