Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Jawaban Akan 10 Paisek Anak Tabela

 PAISEK 10

Kilenampi Alkitab Tau Mandohop Aku?

Kilenampi Alkitab Tau Mandohop Aku?

MBUHEN PENTING

Alkitab hamauh amun ”Taloh handiai je tarasurat hong Surat Barasih, uras impalembut bara Hatalla.” (2 Timoteus 3:16) Amun jituh bujur, Alkitab tau mamparahan akam arah je bujur.

NARAI JE INGGAWIM?

Mikir kesah jituh: David manyupir mobil hong eka je dia iye kasene. Tanda jalan tuntang ampin ciri jalan mamparahan amun sapuna jite beken tujua. David mangatawan amun iye sasat. Iye pasti sala belok hong ije simpang jalan.

Amun ikau manjadi David, narai je inggawim?

TENDE TUNTANG MIKIR!

Tege pire-pire je tau iintihmu:

  1. Misek uluh hong hete.

  2. Mariksa peta, atawa mahapan GPS.

  3. Manyupir tarus, mikeh ayau ikau ulih supa jalan je bujur.

Sapuna, Pilihan C paling isut guna.

Pilihan B labih hai guna bara Pilihan A. Kueh hindai, peta atawa GPS tau ihapan katahin ikau miar, mandohop mamparahan akan kueh tujuam.

Alkitab tau mandohop ikau dengan cara je sama!

Buku je paling are imbasa uluh tuh, tau

  • mandohop ikau manaharep masalah pambelum

  • mandohop ikau mangasene arepmu tuntang manjadi uluh je labih bahalap

  • mamparahan akam mangat mandinu pambelum paling bahalap

 MANJAWAB PAISEK PALING PENTING HONG PAMBELUM

Sulak itah tau bapander, itah rancak misek.

  • Mbuhen langit te warna biru?

  • Bara kueh asal usul bintang?

Limbah te itah nampara misek tahiu dunia hong kaliling itah.

  • Mbuhen kare taluh papa tau manjadi?

  • Mbuhen ulun kalunen matei?

Kanampi amun jawaba jadi tege bara huran hong Alkitab?

Are uluh mamander Alkitab te kuntep dengan kesah tuntang sarita tanjaru, Alkitab te dia jaman hindai wayah tuh, atawa lalau bahali itah marima. Tapi en Alkitab je jadi masalah, atawa auh uluh tahiu Alkitab? En narai kuan ewen te bujur?

Suntu, ewen bapikir Alkitab mansanan amun Hatalla je manguasa dunia tuh. En puna kalute? Kaadaan dunia tuh dia baramana! Tege are kapehe hong pambelum, panyakit tuntang pampatei, kasusah tuntang bancana. En bujur Hatalla je pamasi manampa uras tuh?

En ikau handak mangatawan jawaba? Narai je insanan Alkitab tahiu eweh je manguasa dunia tau manampa ikau tarewen!

Ikau pasti manantuani amun nasehat hong buku tuh indasar bara Alkitab. Saksi-Saksi Yehowa percaya amun Alkitab te sumber nasehat je ulih imercaya. Awi Alkitab ”impalembut bara Hatalla tuntang baguna hapa majar taloh je bujur, hapa maningak tuntang mangambuah taloh je sala.” (2 Timoteus 3:16, 17) Ikau tau mandinun manpaat dengan maneliti buku je baguna huran tuntang wayah tuh!

CARI TAHU LEBIH BANYAK

PROGRAM PALAJARAN ALKITAB

Kilen ampi Cara Balajar Alkitab Ikei?

Hong hapus dunia, Saksi-Saksi Yehowa ingasene awi palajaran Alkitab gratis je inawar ewen. Payah kilen ampi palajara.