Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Jawaban Akan 10 Paisek Anak Tabela

 PAISEK 5

Kilenampi Amun Aku Inindas hong Sakula?

Kilenampi Amun Aku Inindas hong Sakula?

MBUHEN PENTING

Cara ikau manaharep kaadaan tau manampa kaadaan sasar papa atawa sasar bahalap.

NARAI JE INGGAWIM?

Mikir kesah jituh: Tomas dia handak tulak sakula andau tuh. Atawa andau jewu. Atawa pea bewei. Kesah tuh inampara bara telu bulan je helu. Kakawala mangesah kabar dia bujur tahiu iye. Limbah te ewen manggalar iye. Tege je mamukul buku Tomas limbah te manampa jite gitan dia sengaja, tege je manjuju iye bara likut, metuh Tomas manampayah akan likut, ewen jadi jatun. Andau male, gawin ewen sasar papa metuh Tomas iancam mahalau internet . . .

Amun ikau manjadi Tomas, narai je inggawim?

TENDE TUNTANG MIKIR!

Ikau tau malawan! Sapuna, ikau tau malawan panindas aluh dia mahapan kakaras. Kilenampi?

  •   TATAP BENYEM. Alkitab hamauh, ”Oloh humong sangit tara-tarang, tapi oloh pintar harati sabar tuntang manahan kasangite.” (Sewut Salomo 29:11) Amun ikau tatap benyem, je manindas tau nihau kahandak ah manindas ikau.

  • ELA MAMBALEH. Alkitab hamauh, ”Ela mambaleh hapan kapapa.” (Roma 12:17) Mambaleh baya manampa kaadaan sasar papa.

  • ELA MANGGUANG MASALAH. Alkitab hamauh, ”Oloh pintar harati mahakan amon mite bahaya.” (Sewut Salomo 22:3) Amun tau, keleh mangejau arep bara uluh je rajin manindas atawa kaadaan je tau mampalembut kakaras.

  • COBA JAWABAN BEKEN. Alkitab hamauh, ”Hapan auh tombah je bajenta kasangit nihau.” (Sewut Salomo 15:1) Ikau tau sambil hureh. Suntu, amun panindas manahiu kaseput bitim, ikau tau maangkat bahai sambil hamauh, ”Iyoh, kareh puhunku ije due kilo!”

  • LIHI. ”Benyem mamparahan amun ikau labih dewasa tuntang labih kuat bara uluh je manindas ikau,” kuan Nora, anak tabela 19 nyelu. ”Jite mamparahan ikau ulih mangendali arepmu—je dia ulih inggawi awi panindas.”—2 Timoteus 2:24.

  • PERCAYA DIRI. Uluh je manindas bahut tau mangatawan kueh uluh je dia percaya diri tuntang uluh je dia akan malawan. Tapi, panindas bahut mundur amun ewen manampayah gawin ewen dia bapengaruh dengam.

  • SANAN AKAN ULUH. Uluh je puji manjadi guru sakula hamauh, ”Aku mandasak eweh bewei je kana tindas mangat bapander. Jite hal bujur akan inggawi, tuntang jite manjaga mangat uluh beken dia kana tindas.”

Percaya diri manenga kaabas akam je dia indinu awi panindas