Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Jawaban Akan 10 Paisek Anak Tabela

 PAISEK 1

Eweh Aku?

Eweh Aku?

MBUHEN PENTING

Dengan mangatawan eweh ikau tuntang narai prinsipmu tau mandohop ikau manampa keputusan je pangkahalap metuh manaharep godaan.

NARAI JE INGGAWIM?

Mikir kesah jituh: Haru dumah lakau 10 menit melai pesta salenga Karen mahining auh kutak je ingasene bara likut.

”Mbuhen ikau baya mende-mendeng ih melai hete?”

Karen manampayah akan likut tuntang manampayah kawal ah Jesika mimbit due botol bir je haru imbuka. Jesika manjuluk aka ije botol pas melai baun Karen tuntang hamauh, ”Ikau kan jadi hai, dia masalah sana-sanang isut?”

Karen handak manolak tapi Jesika te kawal ah. Karen kea dia handak manampa Jesika bapikir amun iye marusak acara ewen. Beken bara te, Jesika anak je ingasene bahalap. ’Amun iye mihup, narai kasala? Jituh baya bir;’ kuan Karen huang atei ah, ’dia kilau mahapan narkoba.’

Amun ikau huang kaadaan kilau Karen, narai je inggawim?

TENDE TUNTANG MIKIR!

Mangat manampa keputusan je bujur hong kaadaan kilau tuh, ikau perlu jati diri. Jati diri iete pangatawan tahiu eweh ikau tuntang narai prinsipmu. Dengan mangatawan hal te, ikau tege kaabas akan maatur pambelum ayum kabuat.1 Korintus 9:26, 27.

Kilenampi ikau tau mampaabas arepmu kilau te? Isi epat paisek tuh.

 1 NARAI BEWEI KALABIHKU?

Ikau akan labih percaya diri amun ikau katawan narai bewei kalabih tuntang kare sipat bahalapmu.

Amun jati dirimu dehen, ikau kilau batang kayu je mauhat segah je ulih tatap mendeng aluh inampuh riwut hai

SUNTU BARA ALKITAB: Rasul Paulus manyurat, ”mungkin aku tapas kapintarku hakotak, tapi tahiu pangatawan, aku toh dia ie oloh humong.” (2 Korintus 11:6) Dengan pangatawan je sukup tahiu surat barasih, Paulus tatap dehen metuh tege uluh beken je manantang iye. Iye dia manalua auh uluh je dia bahalap mampalemu angat percaya diri ayu.2 Korintus 10:10; 11:5.

MARIKSA AREPMU: Hong penda tuh, nulis bakat tuntang keterampilanmu.

Tuh, nulis sipat bahalap je tege huang arepmu. (Suntu, en ikau paduli? rajin manenga? ulih imercaya? tepat waktu?)

2 NARAI BEWEI KAKURANGKU?

Sama kilau rantai je kuat tau bagetu baya awi ije mata rantai je rusak, kalute kea jati dirimu tau rusak amun ikau dia tau mangendali kakurangmu—aluh baya ije.

SUNTU BARA ALKITAB: Paulus katawan kakurang ah. Iye manyurat, ”Huang ateiku aku rajin dengan hukum Hatalla, tapi aku katawan je huang arepku aton tinai hukum beken je mimbing taluh handiai—iete hukum je hakalawan dengan hukum je inarima awi tirok ateiku. Jete bukue aku leket intu hukum dosa je mimbing taluh handiai huang arepku.”—Romans 7:22, 23.

MARIKSA AREPMU: Kakurang narai bewei je perlu ingandaliku?

 3 NARAI BEWEI TUJUANGKU?

En handak ikau mandai taksi balalu manyuhu sopir baputa-putar sampai bensin lepah? Jite gawi humung—tuntang boros!

Narai palajara? Dengan manampa tujuan, pambelummu dia baputar-putar. Penting manentu tujuam tuntang kilenampi ikau mangguang tujuan te.

SUNTU BARA ALKITAB: Paulus manyurat, ”jete bukue aku hadari manintu taloh je batantu.” (1 Korintus 9:26) Iye dia manunggu tuntang manalua ije kajadian manjadi kalute bewei. Tapi iye manampa tujuan pambelum tuntang belum manumun tujua.—Pilipi 3:12-14.

MARIKSA AREPMU: Nulis hong penda tuh telu tujuan je handak iusaham hong nyelu harian.

4 NARAI BEWEI JE IMERCAYAKU?

Amun jati dirimu dehen, ikau kilau batang kayu je mauhat segah je ulih tatap mendeng aluh inampuh riwut hai

Amun jatun keyakinan, ikau dia tau manampa keputusan. Kilau bunglon ikau akan hubah warna mangat tau sama dengan kakawalam—tanda amun ikau jatun jati diri.

Tapi metuh keputusam indasar awi keyakinan, ikau akan mandinun jati diri —dia tapangaruh je inggawi uluh beken.

SUNTU BARA ALKITAB: Metuh katabela, nabi Daniel ”manukas huang ateie” amun iye akan manjalan hukum Hatalla, aluh iye kejau bara keluarga. (Daniel 1:8, Surat Barasih 1983) Dengan kalute, iye tatap mimbing prinsip ayu. Daniel belum manumun keyakina.

MARIKSA AREPMU: Narai bewei je imercayam? Akan suntu: En ikau percaya dengan Hatalla? Amun kalute, mbuhen? Narai je manampa ikau yakin amun Iye tege?

En ikau percaya amun aturan moral Hatalla paling bahalap akam? Amun kilau te, mbuhen?

Kajaria, ikau handak kilau je kueh—kilau dawen je inarawang kanih-kate atawa kilau batang kayu je dehen manaharep badai? Paabas jati diri ayum, tuntang ikau kilau batang kayu te. Tuntang ikau jadi tau manumbah paisek, Eweh Aku?