Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Jawaban Akan 10 Paisek Anak Tabela

 PAISEK 9

En Aku Musti Percaya dengan Evolusi?

En Aku Musti Percaya dengan Evolusi?

MBUHEN PENTING

Amun evolusi bujur, pambelum jatun bara tujuan. Amun pambelum puna inampa, itah tau mandinu jawaban je lengkap tahiu pambelum tuntang masa depan.

NARAI JE INGGAWIM?

Mikir kesah jituh: Hundi kuluk Alex. Iye percaya Hatalla tuntang uras taluh te inampa Hatalla. Tapi guru biologi mansanan amun evolusi te je bujur, jite jadi ineliti tuntang ulih imercaya. Alex dia handak gitan mameh. ’Kueh hindai,’ kua hong atei, ’amun paneliti jadi mambukti amun evolusi te bujur, eweh aku sampai ulih malawan auh ewen?’

Amun ikau manjadi Alex, en ikau handak percaya evolusi baya awi buku palajaran manyewut jite bujur?

TENDE TUNTANG MIKIR!

Are uluh je percaya evolusi tuntang uluh je percaya uras taluh inampa maanggap bujur narai je imercaya ewen aluh dia mangatawan dasar mbuhen ewen percaya jite.

  • Tege je percaya uras taluh inampa awi iajar hong gereja.

  • Tege je percaya evolusi awi iajar hong sakula.

 JAHAWEN PAISEK AKAN IMIKIR

Alkitab hamauh, ”Genep huma puna aton oloh je mamangue, tapi je mamangun taloh handiai jete Hatalla kabuat.” (Ibrani 3:4) En jite tame akal akan imercaya?

Dia tame akal amun manyewut pambelum jatun je manampa. Jite sama kilau manyewut huma tuh jatun je manampa

KUAN ULUH: Uras taluh hong alam lembut bara hasil ledakan hai.

1 Eweh je manampa ledakan hai?

2 Kueh je labih tame akal—uras taluh tege kabuat atawa uras taluh tege awi tege je manampa?

KUAN ULUH: Asal kalunen bara metu.

3 Amun asal kalunen iete metu—kilau bakei, suntu—mbuhen kapintar kalunen dengan bakei kejau tutu?

4 Mbuhen pambelum je gitan ”sederhana” sapuna dia buju-bujur ”sederhana”?

KUAN ULUH: Evolusi te kabujur je tege bukti.

5 En uluh je percaya evolusi jadi maneliti akan arep ewen?

6 Pire kare uluh je percaya evolusi awi ewen insanan amun uras uluh pintar percaya jite?

”Amun ikau mananjung hong himba tuntang sundau ije huma bahalap, en ikau bapikir, ’Tamam tutu! Batang kayu jadi balihang hong eka je pas akan manampa huma tuh.’ Pasti dia! Jite dia tame akal. Jadi mbuhen itah musti percaya amun uras taluh hong alam tege kalute bewei?”—Julia.

”Coba mikir amun uluh mansanan akam tege ledakan hong percetakan tuntang tintah nampurak kanih kate hong dinding tuntang plafon limbah te mahasil ije kamus lengkap. En ikau percaya?”—Gwen.

 MBUHEN PERCAYA DENGAN HATALLA?

Alkitab maanjur ikau mangat mahapan ”kaharati.” (Roma 12:1) Jadi ikau percaya Hatalla dia baya awi

  • ANGAT ATEI (Aku mangkeme pasti tege kuasa je labih hai)

  • PENGARUH ULUH BEKEN (Uras uluh hong kalilingku baagama)

  • INDASAK (Uluh bakasku mamaksa aku percaya Hatalla —aku dia tau mintih)

Sapuna, ikau musti tege alasan akan taluh je imercayam.

”Hong sakula aku mahining guru manjelas kilenampi bitin itah hagerek, aku dia ragu-ragu amun Hatalla tege. Genep bagian bitin itah tege guna, sampai bagian je paling kurik, tege kea je tau hagerek tapi itah dia sadar. Puna tamam bitin kalunen!”—Teresa.

”Metuh aku manampayah gedung hai, kapal, atawa mobil, aku misek huang atei, ’Eweh je manampa jituh?’ Musti uluh pintar je manampa mobil, awi uras bagian sampai je paling kurik musti buju-bujur jalan mangat ulih ihapan. Amun mobil musti tege je manampa, mahin hindai itah kalunen.”—Richard.

”Sasar aku balajar, evolusi sasar dia tame akal. . . . Akangku, perlu labih are ’iman’ mangat percaya evolusi bara percaya dengan Hatalla.”—Anthony.

AKAN IMIKIR

Aluh maneliti katahin bapuluh nyelu, paneliti hindai ulih hapakat ije dengan je beken tahiu hasil je indinun ewen. Amun paneliti dia ulih hapakat—padahal ewen mangaku uluh pintar—en sala amun ikau dia setuju dengan pikiran ewen?