Langsung ke konten

Langsung ke menu sekunder

Saksi-Saksi Yehuwa

Dayak Ngaju

Tau kah kapehe terai?

Tau kah kapehe terai?

Narai jawaban Pahari?

  • Iyoh.

  • Dia.

  • Dia tawa.

 NARAI AUH SURAT BARASIH

”Hatalla . . . kareh mampuas kare danum matan ewen. Pampatei jari jaton tinai; kapehen atei, tangis atawa kapehe mahin jaton kea. Kare taloh je usang jari lilap.”—Pangarinah 21:3, 4, Surat Barasih Barita Bahalap.

GUNAE AKAN PAHARI

Tau katawan bahwa Hatalla beken je mawi kapehe itah.Yakobus 1:13.

Dinun hiburan awi katawan Hatalla te mangatawan taloh ije ingkeme itah.—Sakharia 2:8.

Tege harapan bahwa uras kapehe tege kahapus ah.—Masmur 37:9-11.

 EN ITAH TAU PERCAYA NARAI JE AUH SURAT BARASIH?

Iyoh. Sadia-dia tege due alasan:

  • Hatalla dia rajin manampayah kapehe tuntang taluh je dia adil. Nanture kilen ampi je ingkeme Hatalla Yehowa metuh ungkup ayue huang jaman huran iawi uluh dengan taluh je papa. Surat Barasih mamander bahwa Ie pehe atei metoh ungkup Ayue ”manarahing awi ingapehe tuntang ihenyek”.Hakim 2:18.

    Hatalla dia rajin nampayah uluh je mangampehe uluh beken. Contoh, Surat Barasih mansanan ”lenge je manusuh daha ije jatun kasala” kajilek akan Hatalla.—Sewut Salomo 6:16, 17.

  • Hatalla paduli dengan itah tiap-tiap biti. Yehowa marawei itah uka manjakah kagugup kakenang atei Akae ’basa Ie manantuani itah’.1 Petrus 5:7.

Mahalau Karajaan Ayue Yehowa tau lakas mampaterai kapehe tiap biti. (Mateus 6:9, 10) Pandehan toh, Ie dengan bajenta mahibur uras uluh je manggau Ie dengan buju-bujur.—Saritan Gawin Kare Rasul 17:27; 2 Korintus 1:3, 4.

 AKAN IMIKIR

Mbuhen Hatalla manalua kare kapehe?

Surat Barasih manjawab paisek te huang ROMA 5:12 tuntang 2 PETRUS 3:9.