Langsung ke konten

Langsung ke menu sekunder

Saksi-Saksi Yehuwa

Dayak Ngaju

Surat Barasih te narai?

Surat Barasih te narai?

Manumun Pahari, narai jite . . .

  • buku kesah?

  • dia asli hindai?

  • Auh Hatalla?

 NARAI AUH SURAT BARASIH

”Taloh handiai je tarasurat hong Surat Barasih, uras impalembut bara Hatalla.”—2 Timoteus 3:16, Surat Barasih Barita Bahalap.

GUNAE AKAN PAHARI

Tau dinun jawaban je pangkahalap akan kakare paisek je penting huang pambelum.—Sewut Salomo 2:1-5.

Tau dinun nasehat je andal huang pambelum genep andau.—Masmur 119:105.

Tau dinun harapan je pasti andau harian.Roma 15:4.

 EN ITAH TAU PERCAYA NARAI JE AUH SURAT BARASIH?

Iyoh. Sadia-dia tege telu alasan:

  • Uras je melai huange hakadohop. Surat Barasih inyurat 1.600 nyelo awi 40 biti. Kakarean bara ewen uras dia hakasene. Tapi je taloh melai huange dia hakalawan je ije dengan je beken tuntang tege ije bewei batang judul!

  • Kesah sarita je bujur. Are uluh je manyurat kesah sarita rancak manyahukan kakalah bangsa ewen. Tapi, ewen je manyurat Surat Barasih te bujur, tabuka, manyurat kagagalan kabuat, dengan bangsa ewen.—2 Kronika 36:15, 16; Masmur 51:1-4.

  • Ramalan je imercaya. Surat Barasih maramal kakalahan lewu Babilon 200 nyelu sahindai. (Yesaya 13:17-22) Tinai, Surat Barasih mansanan kilen ampi Babilon kalah, tuntang manyewut eweh aran je mampakalah ah!Yesaya 45:1-3.

Are ramalan Surat Barasih je beken kea manjadi kanyataan, sampai perincian je paling kurik. Dia kah jite mamparahan amun Surat Barasih te puna auh Hatalla?2 Petrus 1:21.

 AKAN IMIKIR

Kilen ampi Auh Hatalla tau manampa pambelum pahari sasar bahalap?

Surat Barasih manjawab paisek te huang YESAYA 48:17, 18 tuntang 2 TIMOTEUS 3:16, 17.

CARI TAHU LEBIH BANYAK

BARITA BAHALAP BARA HATALLA!

En kah Barita Bahalap Tuh Puna bara Hatalla?

Kilenampi itah tau percaya isi Alkitab dia puji hubah?