Langsung ke konten

Langsung ke menu sekunder

Saksi-Saksi Yehuwa

Dayak Ngaju

En tau uluh je matei belum hindai?

En tau uluh je matei belum hindai?

Narai jawaban Pahari?

  • Tau.

  • Dia tau.

  • Dia tawa.

 NARAI AUH SURAT BARASIH

”Uras akan belom haluli limbah pampatei.”—Saritan Gawin Rasul 24:15, Surat Barasih Barita Bahalap.

GUNAE AKAN PAHARI

Dinun hiburan metuh tege uluh je pahari sinta malihi.2 Korintus 1:3, 4.

Lapas bara kikeh je tapalalau dengan pampatei.Ibrani 2:15.

Tege kaharap tau hasundau hindai dengan ewen je jadi malihi.Yohanes 5:28, 29.

 EN ITAH TAU PERCAYA NARAI JE AUH SURAT BARASIH?

Iyoh. Sadia-dia tege telu alasan:

  • Hatalla je manampa pambelum. Surat Barasih hamauh Hatalla Yehowa ”manenga pambelom”. (Masmur 36:9; Saritan Gawin Rasul 17:24, 25) Yehowa je manenga pambelum pasti sanggup mambelum hindai uluh je jadi malihi.

  • Hatalla puji mambelum uluh je jadi malihi. Surat Barasih manyurat tege hanya biti uluh je-bakas, tabela, bawi tuntang hatue-je imbelum huang hunjun petak. Tege je haru malihi, tege kea je jadi ingubur katahin epat andau!Yohanes 11:39-44.

  • Hatalla handak tutu mambelum uluh je jadi matei andau harian. Yehowa dia rajin tutu dengan pampatei. Ie manganggap te kilau musuh. (1 Korintus 15:26) Ie dia sabar hindai mampakalah musuh te dengan kamisik bereng. Ie ”taharu” tutu akan mambelum uluh je tege melai huang pingat Aie mangat ewen tau belum hindai hunjun petak.—Yob 14:14, 15.

 AKAN IMIKIR

Mbuhen itah tau bakas tuntang matei?

Surat Barasih manjawab paisek te huang GENESIS 3:17-19 tuntang ROMANI 5:12.