Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Majar Anak Ketun

 PALAJARAN 13

Timotius Rajin Mandohop Uluh Beken

Timotius Rajin Mandohop Uluh Beken

Timoteus anak tabela je rajin mandohop uluh beken. Iye rajin mawi jalanan uka mandohop uluh beken. Awi te, pambelum ah are mimbit kahanjak. Ikau handak katawan kesah ah?—

Indu tuntang tambi Timoteus majar iye tahiu Yehowa

Timoteus melai huang kota Listra. Bara kakurik ah, tambi ah Lois, tuntang indu ah, Eunike, jadi majar iye tahiu Yehowa. Awi te, Timoteus rajin tutu mandohop uluh beken balajar tahiu Yehowa.

Metuh Timoteus tabela, Paulus misek, en iye handak umba manginjil kan kota-kota beken. Timoteus tumbah, ’Aku handak!’ Iyoh, Timoteus siap mawi jalanaa uka mandohop uluh beken.

Timoteus tuntang Paulus mangguang Tesalonika hong Makedonia. Mangat sampai ka hete, ewen musti mananjung kejau tutu, haru ewen tau mandai kapal. Huang kota te, ewen mandohop are uluh  balajar tahiu Yehowa. Tapi, tege pire-pire uluh je dia rajin tuntang handak mawi ewen. Awi te, Paulus tuntang Timoteus buhau bara hete tuntang manginjil akan eka beken.

Timoteus mangkeme kahanjak huang pambelum

Pire-pire bulan limbas te, Paulus manyuhu Timoteus haluli kan Tesalonika uka manampayah kaadaan kawan pahari melai kanih. Hong Tesalonika, masih tege uluh je dia rajin denga. Tapi, Timoteus tatap haluli kan kota te awi iye mamikir kaadaan kawan pahari melai hete. Harian andau, Timoteus mimbit barita bahalap akan Paulus. Kaadaan kawan pahari je melai hong Tesalonika bahalap ih!

Timoteus haya-hayak manginjil dengan Paulus katahin pire-pire nyelu. Akan Paulus, Timoteus iete uluh je paling cocok uka mandohop sidang-sidang jemaat. Buhen? Awi Timoteus sinta Yehowa tuntang kawan pahari ah.

En kah ikau sinta dengan uluh beken tuntang handak mandohop ewen balajar tahiu Yehowa?— Amun ikau manggawi jite, ikau tau mangkeme kasanang tuntang kahanjak huang pambelum, kilau Timoteus.

MBASA HONG ALKITABMU

  • 2 Timoteus 1:5; 3:15

  • Saritan Gawin Kare Rasul 16:1-5; 17:1-10

  • 1 Tesalonika 3:2-7

  • Pilippi 2:19-22