Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Majar Anak Ketun

 PALAJARAN 14

Karajaan je Marentah Hapus Bumi Kareh

Karajaan je Marentah Hapus Bumi Kareh

Tuh, itah handak balajar tahiu ije karajaan. En katawam Karajaan narai jite?— Iyoh, Karajaan Hatalla. Karajaan tuh akan manampa bumi manjadi firdaus. En ikau handak balajar labih are tahiu Karajaan tuh?—

Genep karajaan inguasa awi ije biti raja. Iye mamarentah uras uluh hong karajaa. En katawam eweh Raja bara Karajaan Hatalla?— Iye te Yesus Kristus. Yesus melai hong surga. Dia tahi hindai, iye manjadi Raja bara uras uluh hong bumi! Kuam, metuh Yesus manjadi Raja kareh hong hapus bumi, en itah tau mangkeme kahanjak hong pambelum?—

Narai je handak nggawim hong Firdaus?

Itah pasti belum hanjak kareh! Hong Firdaus, jatunti uluh je hakasingi. Uras uluh hakasinta. Jatun hindai uluh haban atawa matei. Uluh babute kareh tau manampayah tuntang uluh badengen tau mahining. Uluh je batimpang kareh tau hadari tuntang manangkajuk. Uras uluh sukup panginan ah. Uras metu hakawal. Ewen kea dia tau mangapehe itah. Uluh je jadi matei tau belum hindai. Kalute kea dengan pire-pire uluh je jadi ilajar itah kilau  Rebeka, Rahab, Dawid, tuntang Elia. Ewen tau belum hindai! En ikau handak hasupa dengan ewen kareh?—

Yehowa sinta tutu dengam. Iye handak ikau mangkeme kahanjak. Amun ikau tarus balajar tahiu Yehowa tuntang manumun Iye, ikau tau belum katatahi hong Firdaus je bahalap! En ikau handak belum melai Firdaus?—

MBASA HONG ALKITABMU

  • Yesaya 2:4; 11:6-9; 25:8; 33:24; 35:5, 6

  • Yohanes 5:28, 29; 17:3