Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Majar Anak Ketun

 PALAJARAN 12

Aken Paulus je Bahanyi

Aken Paulus je Bahanyi

Metuh tuh, itah akan balajar tahiu ije anak tabela je puji manyalamat mama. Aran mama ah te Paulus. Itah dia katawa aran anak tabela tuh. Tapi je pasti, iye uluh je bahanyi tutu. En handak ikau katawa narai je inggawi ah?—

Hong Yerusalem, Paulus inamean kan penjara awi iye rancak bakesah tahiu Yesus. Tege are uluh jahat je bajilek dengan Paulus. Jadi ewen manampa rencana, ’Ayo itah balaku dengan kapala pasukan uka manyuhu tentara ah mimbit Paulus kan pangadilan. Kareh itah manyahukan arep, metuh Paulus mahalau, itah patei iye!’

Aken Paulus mansanan akan Paulus tuntang kapala pasukan tahiu rencana jahat te

Aken Paulus mahining rencana jahat tuh. Narai je inggawi ah? Iye mangguang penjara tuntang mansanan rencana ewen te akan Paulus. Paulus langsung manyuhu iye uka mangesah ah akan kapala pasukan tahiu rencana jahat te. Kuam, en jite mangat akan aken Paulus?— Dia, awi kapala pasukan uluh je bakuasa. Tapi, aken Paulus bahanyi bapander denga.

Kapala pasukan langsung manduan kaputusan. Iye manyuhu kira-kira 500 biti tentara uka mangalindung Paulus! Ewen musti mimbit ah kan Kaisarea alem te kea. En Paulus salamat?— Iyoh, awi uluh jahat te dia tau manyarang iye! Rencana ewen balang.

Narai je tau ilajarmu bara kesah tuh?— Ikau kea tau bahanyi kilau aken Paulus. Ikau musti bahanyi bakesah tahiu Yehowa. En ikau handak jadi anak je bahanyi tuntang tarus bakesah tahiu Yehowa?— Amun ikau bahanyi, ikau tau manyalamat uluh beken.

MBASA HONG ALKITABMU

  • Saritan Gawin Kare Rasul 23:12-24

  • Mateus 24:14; 28:18-20

  • 1 Timoteus 4:16