Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Kaluarga Pahari Tau Bahagia

 BAGIAN 5

Manjaga Hubungan Damai dengan Empu

Manjaga Hubungan Damai dengan Empu

”Keton musti bahalap atei, randah atei, balemo-lowah, tuntang manyarenan kapehe.”Kolose 3:12

Dengan kawin, ketun manampara ije kaluarga taheta. Ketun pasti sinta tuntang marega uluh bakas ketun, tapi wayah tuh kabalin ketun manjadi uluh je paling penting hong pambelum ketun. Hal te mungkin bahali inarima awi uluh bakas ketun. Tapi, prinsip Alkitab tau mandohop ketun manjaga hubungan damai dengan ewen, kalute kea dengan sindah tuntang kaluarga je beken, sambil mampakuat pangawin ketun.

 1 TATAP BAPIKIR BAHALAP TAHIU EMPU

NARAI KUAN ALKITAB: ”Hormat bapam tuntang indum.” (Epesus 6:2) Aluh pire umur Pahari, Pahari musti santar marega uluh bakas Pahari. Kabalin Pahari kea tege uluh bakas ah je musti iye merhati. Sinta ”dia hakahiri”, jadi ela bahiri awi sintan kabalin Pahari dengan uluh bakas ah.1 Korintus 13:4; Galatia 5:26.

JE TAU PAHARI LALUS:

  • Ela sampai lembut auh, ”Kaluargam santar maremeh aku” atawa ”Indum te dia puji sanang dengan taluh je inggawingku”

  • Coba mambayang kilenampi amun Pahari manjadi iye

 2 APANDER JUJUR DENGAN EMPU

NARAI KUAN ALKITAB: ”Oloh hatue malihi bapae tuntang indue, tuntang hinje dengan sawae, balalu kadadue te manjadi ije.” (Genesis 2:24) Metuh Pahari kawin, uluh bakas masih mangeme ewen batanggung jawab maurus Pahari. Ewen mungkin handak umba campur urusan ketun due.

Ketun musti mamutus sampai kueh ewen tau umba urusan kaluarga ketun. Limbas te, pander bua-buah dengan ewen. Ketun tau jujur tapi ela kasar. (Sewut Salomo 15:1) Kahalap atei tuntang kasabar tau mandohop Pahari uka tukep dengan empu.—Epesus 4:2.

JE TAU PAHARI LALUS:

  • Amun Pahari mangkeme uluh bakas ketun lalau are umba campur urusan ketun, pander dengan kabalin Pahari metuh kaadaan jadi tenang

  • Nggau cara kilenampi manaharep ah amun masalah te lembut  hindai