Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Kaluarga Pahari Tau Bahagia

 BAGIAN 1

Laku Nasehat Hatalla Mangat Bahagia

Laku Nasehat Hatalla Mangat Bahagia

”Ie je manampa taloh handiai, bara solake manampa olon iete oloh hatue tuntang oloh bawi.”—Mateus 19:4

Hatalla Yehowa * manampa pangawin je sulak ah. Huang Alkitab inyewut Hatalla manampa ije biti uluh bawi lalu ”mimbite manalih olon te”. Adam hanjak tutu tuntang hamauh, ”Toh ie, oloh je sama dengangku–tulang bara tulangku tuntang isi bara isingku.” (Genesis 2:22, 23) Kalute kea wayah tuh, Yehowa handak uluh je kawin tau bahagia.

Metuh Pahari kawin, huang bayangan Pahari mungkin uras ah bahalap. Tapi kanyataa, uluh je jadi bakaluarga aluh iye sinta tutu dengan kabali akan manaharep masalah. (1 Korintus 7:28) Hong buku tuh, Pahari tau manyundau prinsip Alkitab je tau manampa pangawin tuntang kaluarga Pahari dinun kasanang, amun Pahari malalus ah.—Masmur 19:8-11.

 1 LALUS TUGAS JE NENGA YEHOWA

NARAI KUAN ALKITAB: Uluh hatue takuluk huang kaluarga.—Epesus 5:23.

Amun Pahari ije biti uluh hatue je mamimpin  kaluarga, Yehowa handak Pahari ela kasar dengan sawan Pahari. (1 Petrus 3:7) Hatalla maatur mangat uluh bawi mandohop bana, jadi Iye mangahandak Pahari marega tuntang mamparahan sinta dengan sawan Pahari. (Genesis 2:18) Pahari musti mamparahan sintan Pahari dengan cara manumun narai je handak ilaku, dia kahandak Pahari bewei.—Epesus 5:25-29.

Amun Pahari ije biti je jadi kawin, Yehowa handak mangat Pahari mahormat kabalin Pahari tuntang mandohop iye manjalan tugas ah. (1 Korintus 11:3; Epesus 5:33) Tumun kaputusan ah tuntang hapakat manjalan ah. (Kolose 3:18) Amun Pahari mawi hal te, Pahari tau bahalap huang matan kabalin Pahari tuntang Yehowa.1 Petrus 3:1-6.

JE TAU PAHARI LALUS:

  • Misek dengan kabalin Pahari kilenampi manjadi uluh hatue atawa uluh bawi je bahalap. Hining bua-buah auh ah tuntang lalus jite

  • Basabar. Mangat ketun tau bahagia puna perlu waktu tuntang dia tau salenga

2 MIKIR PERASAAN KABALIN PAHARI

NARAI KUAN ALKITAB: Nantuani kapentingan kabalin Pahari. (Pilippi 2:3, 4) Rega iye awi iye barega tutu akan Pahari. Santar mingat, Yehowa balaku mangat rewar-Aie ’bajenta akan uras uluh’. (2 Timoteus 2:24) ”Pander je baranga-rangai tau mampahimang atei sama kilau inusok awi padang; kare auh je pintar kaharati kilau tatamba je mampakeleh”. Jadi, mikir helu auh kutak Pahari. (Sewut Salomo 12:18) Roh barasih tau mandohop Pahari mintih kutak je bahalap tuntang kuntep kasayang.Galatia 5:22, 23; Kolose 4:6.

JE TAU PAHARI LALUS:

  • Balakudoa mangat Pahari tau tenang, helu bara mamander masalah-masalah je penting dengan kabalin Pahari

  • Mikir bujur buah narai je handak ingutak Pahari tuntang cara mamander ah

 3 ULUH JE JADI KAWIN MUSTI HAKADOHOP

NARAI KUAN ALKITAB: Metuh kawin, Pahari tuntang kabalin Pahari ”manjadi ije”. (Mateus 19:5) Tapi, kanatek ah ketun tau dia sepaham. Jadi, ketun perlu balajar uka saling memahami. (Pilippi 2:2) Hal te penting metuh manampa kaputusan. Alkitab hamauh, ”Rancana dinon hasil awi inirok bua-buah.” (Sewut Salomo 20:18) Mikir prinsip Alkitab metuh manampa kaputusan penting dengan kabalin Pahari.—Sewut Salomo 8:32, 33.

JE TAU PAHARI LALUS:

  • Dia baya bakesah bewei atawa mahining pendapat, mander narai taluh kamean ketun

  • Helu bara manampa kaputusan narai bewei, runding helu dengan kabalin Pahari

^ par. 4 Yehowa te aran Hatalla hong Alkitab.