Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Kaluarga Pahari Tau Bahagia

 BAGIAN 9

Sama-sama dengan Kaluarga Baibadat akan Yehowa

Sama-sama dengan Kaluarga Baibadat akan Yehowa

”Keleh manyembah Ie je manjapa langit, petak.”—Pangarinah 14:7

Bara buku jituh, Pahari jadi balajar Alkitab te baisi are prinsip je baguna  akan Pahari tuntang kaluarga. Yehowa handak mangat ketun mandinu kahanjak. Iye bajanji amun ketun manomor ije ibadat Aka, ”kare taloh awang beken kareh inenga Hatalla kea akan keton”. (Mateus 6:33) Iye handak tutu mangat ketun manjadi sobat-Ah. Mangguna kare kesempatan uka sasar rantep dengan Hatalla. Jituh hak istimewa je hai akan itah.—Mateus 22:37, 38.

 1 PAKUAT HUBUNGAN PAHARI DENGAN YEHOWA

NARAI KUAN ALKITAB: ”Aku kareh manjadi Bapa keton, tuntang keton kareh manjadi anakku, kalote koan [Yehowa] je Pangkahai Kuasae.” (2 Korintus 6:18) Hatalla handak mangat Pahari manjadi sobat je rantep Denga. Ije bara pire-pire cara iete mahalau doa. Yehowa marawei Pahari uka ”balakudoa harajur”. (1 Tesalonika 5:17) Iye peduli tutu dengan narai je mikir tuntang je keme Pahari. (Pilippi 4:6) Balakudoa haya-hayak kaluarga, mamparahan akan ewen Pahari percaya tutu dengan Hatalla.

Dia tikas balakudoa dengan Hatalla, Pahari kea musti mahining Iye. Cara ah iete mampalajari Firman-Aie. (Masmur 1:1, 2) Mikir bua-buah narai je Pahari palajari. (Masmur 77:11, 12) Cara beken dengan halajur dumah kan pumpung Kristen.—Masmur 122:1-4.

Mangat hubungan Pahari dengan Yehowa tatap rantep, Pahari kea musti bakesah tahiu Yehowa akan uluh beken. Sasar rancak Pahari malalus te, sasar rantep Pahari Denga.—Mateus 28:19, 20.

JE TAU PAHARI LALUS:

  • Manyadia waktu genep andau uka mambasa Alkitab tuntang balakudoa

  • Kagiatan rohani dengan kaluarga labih penting bara rami-rami atawa kagiatan beken

2 MUSTI MALALUS IBADAT KALUARGA

NARAI KUAN ALKITAB: ”Keleh manokep Hatalla, tuntang Hatalla kea kareh manokep keton.” (Yakobus 4:8) Ibadat kalurga musti injadwal tuntang ilalus genep minggu. (Genesis 18:19) Itah musti balaku petunjuk Hatalla sahindai manampa kaputusan narai bewei hong kaluarga. Pakuat hubungan Pahari dengan Hatalla dengan cara mamander tahiu Iye ”metoh malayan tuntang metoh bagawi”. (Deuteronomium 6:6, 7) Batekad uka manyuntu Yosua je hamauh, ”Ikei – aku tuntang keluargaku – baya handak manempo [Yehowa] bewei.”Yosua 24:15.

JE TAU PAHARI LALUS:

  • Hong ibadat kaluarga tau imbahas masalah tuntang kebutuhan genep biti