Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Kaluarga Pahari Tau Bahagia

 BAGIAN 3

Cara Mamberes Masalah

Cara Mamberes Masalah

”Toto-toto hasinta sama arep keton, basa awi malalus sinta, keton maampun are dosa.”1 Petrus 4:8

Metuh ketun nampara bakaluarga, kare masalah nampara dumah. Awi narai? Cara bapikir, perasaan, tuntang cara ketun impahai dia sama. Masalah kea tau dumah bara uluh beken tuntang kajadian je dia induga.

Metuh tege masalah, itah mancoba hadari bara kanyataan, tapi Alkitab meteh itah uka manaharep masalah te. (Mateus 5:23, 24) Pahari akan mangkeme kabuat cara je paling bahalap mamberes masalah dengan manumun prinsip Alkitab.

 1 NGESAH MASALAH AH

NARAI KUAN ALKITAB: ’Tege katika akan hakutak.’ (Pangabar 3:1, 7) Pahari musti manyadia waktu uka mangesah masalah ah. Nyarita perasaan tuntang pendapat Pahari tahiu masalah te dengan jujur. ”Ela tinai mananjaro” kabalin Pahari. (Epesus 4:25) Aluh bahali manahan emosi, lawan perasaan te mangat dia bakalahi. Mangat dia manjadi soal jawab, jawaban itah musti tenang metuh itah bapander ije permasalahan.—Sewut Salomo 15:4; 26:20.

Aluh Pahari dia sepaham, parahan sikap je bahalap dengan tarus sinta tuntang marega kabalin Pahari. (Kolose 4:6) Jeleng mamberes masalah ah, tuntang ela sampai dia maku hapander.—Epesus 4:26.

JE TAU PAHARI LALUS:

  • Mintih katika je cocok uka mamander masalah ah

  • Metuh Pahari mahining, ela numbah helu. Tege gilira Pahari je bapander

 2 HINING TUNTANG COBA MANGASENE MASALAH AH

NARAI KUAN ALKITAB: ”Keleh kare pahari hasinta sama arep hapan kaheret atei sama kilau oloh hampahari hong ije kahuma, tuntang keton hasanselo mahormat sama arep keton.” (Roma 12:10) Cara Pahari mahining penting tutu. Coba mangatawan cara bapikir kabalin Pahari dengan memaham perasaa tuntang randah atei. (1 Petrus 3:8; Yakobus 1:19) Ela pura-pura mahining. Amun tau, tende helu bara taluh gawin Pahari tuntang nyeneh iye bapander. Atawa, laku iye mangesah ah kareh. Payah kabalin Pahari kilau kawal beken musuh.—Pangabar 7:9.

JE TAU PAHARI LALUS:

  • Tarus hining dengan pikiran je bahalap, aluh Pahari dia rajin dengan je ihining Pahari

  • Coba mariman auh pander ah. Payah ampin bau mata tuntang auh kutak kabalin Pahari

3 LALUS KAPUTUSA

NARAI KUAN ALKITAB: ”Huang gagenep satiar aton kaontonge; pander ngahus mawi oloh jadi belom susah.” (Sewut Salomo 14:23) Baya mandinun jalan balua dia sukup. Ketun musti malalus narai je imutus ketun. Jituh are mahapan waktu tuntang tanaga, tapi jituh dia sia-sia. (Sewut Salomo 10:4) Amun ketun tau hapakat, hasil ah labih bahalap.—Pangabar 4:9.

JE TAU PAHARI LALUS:

  • Marunding narai bewei je tau ketun masing-masing lalus uka mamberes masalah ah

  • Santar mariksa hasil bara je jadi nggawi ketun