Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Kaluarga Pahari Tau Bahagia

 BAGIAN 7

Cara Majar Anak

Cara Majar Anak

”Ela samasinde mangalapean kare parentah je inengangku akan keton andau toh. Keleh ajar akan kare anakm.”—Deuteronomium 6:6, 7

Yehowa, je manampa kaluarga, Iye manyuhu uluh bakas uka mampahai kawan anak ah. (Kolose 3:20) Uluh bakas, ketun musti majar anak ketun uka sinta dengan Yehowa tuntang manjadi uluh bakas je batanggung jawab. (2 Timoteus 1:5; 3:15) Ketun kea musti tau mangatawan narai je imikir tuntang je ingkeme anak ketun. Pasti, suntu ketun penting tutu. Ketun tau majar Firman Yehowa akan kawan anak dengan bahalap, amun Firman jite jadi tege huang atei ketun kabuat.—Masmur 40:8.

 1 ELA SAMPAI ANAK MIKEH BAPANDER

NARAI KUAN ALKITAB: ”Bajeleng mahining tapi barangkah hakotak.” (Yakobus 1:19) Ketun pasti handak kawan anak bapander tahiu narai bewei dengan ketun. Awi te, ewen musti katawa amun ketun siap mahining metuh ewen handak bapander. Nampa kaadaan damai hong huma mangat ewen purah mangesah narai taluh je keme ewen. (Yakobus 3:18) Amun ewen mangkeme ketun purah basingi, ewen mungkin dia maku jujur dengan ketun. Jadi, keleh sabar dengan kawan anak ketun. Santar parahan bahwa ketun tutu sinta dengan ewen.—Mateus 3:17; 1 Korintus 8:1.

JE TAU PAHARI LALUS:

  • Santar siap mahining metuh anak handak bapander

  • Ranca-rancak bapander dengan anak ketun, dia baya metuh ewen tege masalah

2 MAMAHAMI MAKSUD BARA AUH KUTAK EWEN

NARAI KUAN ALKITAB: ”Nantuani taloh je iajar akam, maka ikau akan mandino taloh bahalap.” (Sewut Salomo 16:20) Tege katika, Pahari perlu dia baya mahining auh ewen bewei tapi perasaa kea. Anak uluhan bahut rajin malabi-labih pander tuntang bahali manyampai auh maksud ah dengan pas. ”Tombah helo bara mahining auh, jete gawi je humong tuntang dia patut.” (Sewut Salomo 18:13) Ela capat basingi.—Sewut Salomo 19:11.

JE TAU PAHARI LALUS:

  • Narai bewei je mander anak ketun, ela numbah helu atawa balalu handak basingi

  • Coba mingat hindai metuh ketun tabela kilau ewen, kilenampi perasaan ketun tuntang mingat narai je kuan ketun penting metuh te

 3 PARAHAN AKAN EWEN KETUN DUE HAPAKAT

NARAI KUAN ALKITAB: ”Keleh manantuani taloh je insanan bapam tuntang indum akam, anakku.” (Sewut Salomo 1:8) Yehowa manenga uluh bakas kuasa akan ningak majar anak ewen. Ketun musti majar anak uka marega tuntang manumun ketun. (Epesus 6:1-3) Kawan anak tau mangkeme amun uluh bakas dia ”pakat ije atei”. (1 Korintus 1:10) Amun tege katika ketun dia sapaham, ela sampai anak ketun manampayah ah. Jite mangurang hormat ewen dengan ketun uluh bakas.

JE TAU PAHARI LALUS:

  • Bahas badue cara mandidik anak ketun

  • Amun pendapat ketun dia sama tahiu majar anak, coba mamaham cara bapikir kabalin ketun

 4 MANAMPA RANCANA

NARAI KUAN ALKITAB: ”Keleh majar ije biti anak cara belom je patut akae.” (Sewut Salomo 22:6) Bahasil mandidik anak dia kilau mambalik lukap. Perlu tege rancana kilenampi ketun akan majar ewen tuntang maningak ewen. (Masmur 127:4; Sewut Salomo 29:17) Tingak ajar dia baya manenga hukuman, tapi dohop ewen paham mbuhen aturan te inenga. (Sewut Salomo 28:7) Tuntang, majar ewen uka sinta Firman Yehowa tuntang mamaham prinsip-prinsip-Aie. (Masmur 1:2) Dengan kalute, ewen tau mambeda taluh je bahalap dengan taluh je papa.Ibrani 5:14.

JE TAU PAHARI LALUS:

  • Mamasti anak ketun puna yakin Hatalla te buju-bujur tege tuntang tau imercaya

  • Dohop ewen mangasene tuntang mangejau bahaya moral, kilau je tege melai internet. Majar ewen cara mangejau bara uluh papa atei ah

”Keleh majar ije biti anak cara belom je patut akae”