Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Kaluarga Pahari Tau Bahagia

 BAGIAN 4

Cara Maatur Duit

Cara Maatur Duit

”Rancana dinon hasil awi inirok bua-buah.”—Sewut Salomo 20:18

Itah uras perlu duit akan manyadia kebutuhan kaluarga itah. (Sewut Salomo 30:8) Kilenampi kea, ”duit panyalawah atei”. (Pangabar 7:12) Uluh je jadi bakaluarga mungkin bahali manahiu masalah duit, tapi ela sampai duit manjadi masalah huang kaluarga. (Epesus 4:32) Ketun musti tege kapercayaan tuntang barunding metuh handak mahapan duit.

 1 ATUR BUJUR BUAH

NARAI KUAN ALKITAB: ”Amon ije biti bara keton handak mamangun ije candi, ie musti mondok helo maraken kare ongkose mangat ie katawan en duite sukup atawa dia, hapan mampajadi candi te.” (Lukas 14:28) Marancana cara ketun mahapan duit puna penting. (Amos 3:3) Runding narai bewei je puna perlu imili tuntang kilen kare je tau imili. (Sewut Salomo 31:16) Ela bapili baya awi tege duit. Keleh mangejau arep bara utang. Ela bapili malabien bara kasanggup duit ketun.—Sewut Salomo 21:5; 22:7.

JE TAU PAHARI LALUS:

  • Amun kebutuhan pokok jadi imili, runding sama-sama kilenampi maatur tisa duit te

  • Amun kabalika je manjadi, coba nampa catatan je lengkap mangat dia are duit balua. Suntu, ketun tau pakasak panginan kabuat bara bapili melai luar

 2 JUJUR TUNTANG TAME AKAL

NARAI KUAN ALKITAB: Puna penting bagawi dengan jujur akan manyadia kebutuhan, dia baya hong taharep Yehowa bewei tapi kea taharep kalunen. (2 Korintus 8:21) Ngesah dengan jujur akan kabalin Pahari pire kare pandinun Pahari tuntang je ilanja Pahari.

Runding dengan kabalin Pahari metuh handak manampa kaputusan penting je tege hubunga dengan duit. (Sewut Salomo 15:22) Hal te tau manjaga kadamai huang kaluarga Pahari. Mingat kea upah Pahari beken ayun Pahari kabuat, tapi ayun kaluarga.—1 Timoteus 5:8.

JE TAU PAHARI LALUS:

  • Runding helu kilen kare duit je tau ketun palua kabuat-kabuat

  • Atur duit helu sahindai lembut masalah