Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Kaluarga Pahari Tau Bahagia

 BAGIAN 8

Amun Kaluarga Pahari Kana Musibah

Amun Kaluarga Pahari Kana Musibah

”Keleh keton hanjak atei, aloh metoh toh hong katika je hanjulo keton musti mangkeme pehe atei awi keton buah are macam tingkes.”1 Petrus 1:6

Pasti Pahari baupaya sakalepah ah mangat kaluarga Pahari sanang. Tapi, musibah te tau salenga dumah. Jituh pasti marusak kasanang Pahari. (Pangabar 9:11) Awi Hatalla pamasi, Iye manyadia pandohop akan itah mangat tau manaharep ah. Amun Pahari manumun prinsip-prinsip jituh, Pahari tuntang kaluarga akan ulih manaharep musibah, bahkan hong kaadaan je paling bahali.

 1 PERCAYA DENGAN YEHOWA

NARAI KUAN ALKITAB: ’Manyarah kakare kikeh atei ketun akan Hatalla, awi Iye manantuani ketun.’ (1 Petrus 5:7) Santar mingat musibah te beken bara Hatalla. (Yakobus 1:13) Amun Pahari manukep Denga, Iye manenga cara je paling bahalap uka manaharep ah. (Yesaya 41:10) ’Tusuh hapus atei ketun aka, awi Iye eka kalindung itah.’—Masmur 62:9.

Pahari kea tau tahibur dengan mambasa tuntang balajar Alkitab genep andau. Hasil ah, Pahari tau mangkeme Yehowa mahibur Pahari bara kapehe. (2 Korintus 1:3, 4; Roma 15:4) Iye bajanji uka manenga Pahari ”kasanang bara Hatalla je manangkalau batas kaharatin itah”.—Pilippi 4:6, 7, 13.

JE TAU PAHARI LALUS:

  • Badoa laku Yehowa manenga katanang atei tuntang pikiran

  • Mikir uras jalan balua bara masalah palus mintih je paling bahalap akan ketun

2 MAMERHATI KEBUTUHAN KABUAT TUNTANG KALUARGA PAHARI

NARAI KUAN ALKITAB: ”Oloh je bahalap budi basarae harajur haus dengan pangatawan; oloh pintar harati harajur nahuang mandino ajar.” (Sewut Salomo 18:15) Nggau uras informasi, narai je imerlu genep anggota kaluarga. Pander dengan ewen tuntang hining bua-buah kuan ewen.—Sewut Salomo 20:5.

Kilenampi amun tege kaluarga je matei? Ela mahamen mamparahan perasaan Pahari. Mingat, Yesus kea ”manangis”. (Yohanes 11:35; Pangabar 3:4) Sukup istirahat puna penting. (Markus 6:31) Maka, ketun tau purah manaharep masalah je babehat.

JE TAU PAHARI LALUS:

  • Keleh ranca-rancak mangesah taluh je kamean Pahari dengan kaluarga. Jadi, metuh tege musibah, ewen jadi patuh bapander dengan Pahari

  • Nggau pendapat bara uluh je puji manaharep masalah je sama

 3 AMUN PERLU PANDOHOP, MANDER

NARAI KUAN ALKITAB: ”Ije biti sobat harajur baketep dengan kawale, tapi ije biti pahari omba mananggong kasusah.” (Sewut Salomo 17:17) Kare kawal Pahari handak mandohop Pahari, tapi ewen mungkin dia katawan je musti inggawi ewen. Ela mahamen mansuman akan ewen narai je Pahari merlu. (Sewut Salomo 12:25) Tuntang, nggau pandohop rohani bara uluh je paham Alkitab. Ewen tau manenga bimbingan bara Alkitab je tau mandohop Pahari.Yakobus 5:14.

Pahari tau kuat amun Pahari rancak bakawal dengan uluh-uluh je iman ah kuat tuntang percaya janjin Hatalla. Pahari kea tau tahibur amun Pahari mahibur uluh beken je mamerlu ah. Ngesah iman Pahari tuntang janjin Yehowa dengan ewen. Ranca-rancak mahibur uluh je naharep kasusah, tuntang tatap tukep dengan uluh je sinta tuntang peduli dengan Pahari.—Sewut Salomo 18:1; 1 Korintus 15:58.

JE TAU PAHARI LALUS:

  • Bapander dengan sobat tuntang narima pandohop ah

  • Dengan jujur, mander narai je puna imerlu awi Pahari

CARI TAHU LEBIH BANYAK

BARITA BAHALAP BARA HATALLA!

Mbuhen Hatalla Manalua Taluh Papa tuntang Kapehe?

Kilenampi taluh papa nampara tege, tuntang mbuhen Hatalla manalua taluh te tege sampai wayah tuh? En kapehe tau terai?