Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 15

Mbuhen Pahari Musti Balajar Tarus?

Mbuhen Pahari Musti Balajar Tarus?

1. Narai guna amun Pahari tarus balajar Alkitab?

Uras je jadi Pahari pelajari bara buku tuh, pasti manampa Pahari sasar sinta Hatalla. Kilau taluh imbul, sinta tuh musti tarus imupuk. (1 Petrus 2:2) Pahari tau mandinu harapan pambelum katatahi amun Pahari tarus bausaha manjadi sobat Hatalla dengan balajar Firman-Aie.​—Mbasa Yohanes 17:3; Yudas 21.

Sambil Pahari mandinu labih are pangatawan tahiu Hatalla, iman Pahari tau sasar kuat. Dengan iman, Pahari tau mampahanjak Hatalla. (Ibrani 11:1, 6) Iman te tau mandohop Pahari uka batobat tuntang maubah Pahari manjadi uluh je labih bahalap.​—Mbasa Saritan Gawin Kare Rasul 3:19.

2. Kilenampi pangatawan Pahari tahiu Hatalla mimbit manfaat akan uluh beken?

Pahari tau tukep dengan Yehowa

Pahari pasti handak mangesah akan uluh beken narai je jadi Pahari pelajari. Itah uras hanjak mangesah barita bahalap. Sambil Pahari tarus balajar Alkitab, Pahari akan mangatawan cara mahapan Alkitab uka menjelaskan iman Pahari dengan Yehowa tuntang barita bahalap.​—Mbasa Roma 10:13-15.

Are uluh nampara mangesah barita bahalap akan kawal atawa kaluarga. Lalus hal te mahapan kaharatin Pahari. Ela sampai Pahari manyewut agama ewen sala. Ngesah ih narai bewei janjin Hatalla akan ewen. Mingat kea bahwa ewen labih tertarik dengan taluh gawin Pahari je bahalap bara narai je imander Pahari.​—Mbasa 2 Timoteus 2:24, 25.

3. Hubungan kilenampi je tau Pahari nampa dengan Hatalla?

Dengan balajar Firman Hatalla, Pahari tau manampa kemajuan rohani. Akhir ah, Pahari tau nampa hubungan je istimewa dengan Hatalla. Pahari manjadi ain Yehowa tuntang anggota Kaluarga-Ah.​—Mbasa 2 Korintus 6:18.

 4. Kilenampi Pahari tau manampa kemajuan?

Pahari tau manampa kemajuan rohani dengan tarus balajar Firman Hatalla. (Ibrani 5:13, 14) Pahari tau balaku dohop dengan ije biti Saksi Yehowa akan balajar buku Apa yang Sebenarnya Alkitab Ajarkan? Sasar are je Pahari pelajari bara Firman Hatalla, sasar sukses pambelum Pahari.​—Mbasa Masmur 1:1-3; 73:27, 28.

Barita bahalap puna bara Yehowa, Hatalla je bahagia. Pahari tau manjadi sobat Hatalla dengan rancak bakawal dengan ungkup-Aie. (Ibrani 10:24, 25) Amun Pahari tarus bausaha mampahanjak Yehowa, Pahari tau mandinu pambelum je sabujur ah, iete pambelum katatahi. Jatunti tujuan beken je labih bahalap bara manjadi sobat Hatalla.​—Mbasa 1 Timoteus 1:11; 6:19.