Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 11

Mbuhen Prinsip Alkitab Baguna akan Itah?

Mbuhen Prinsip Alkitab Baguna akan Itah?

1. Mbuhen ulun kalunen mamerlu bimbingan?

Kilenampi prinsip Alkitab maajar itah uka bua-buah mangat dia calaka? —MASMUR 36:9.

Hatalla je manampa itah labih pintar harati bara itah. Kilau Bapa je pamasi, Iye peduli tutu dengan kesejahteraan itah. Beken bara te, itah dia inampa uka belum lapas bara bimbingan-Aie. (Yeremia 10:23) Kilau anak tabela mamerlu bimbingan bara uluh bakas, itah puna perlu bimbingan bara Hatalla. (Yesaya 48:17, 18) Prinsip-prinsip Alkitab iete bimbingan barega bara Hatalla akan itah.​—Mbasa 2 Timoteus 3:16.

Berkat je hai hong andau harian tuntang pambelum je bahalap wayah tuh tau itah keme amun manumun hukum tuntang prinsip Hatalla. Awi Hatalla je manampa itah, itah patut dengan sanang atei manumun bimbingan-Aie.​—Mbasa Masmur 19:8, 11; Pangarinah (Wahyu) 4:11.

2. Narai riman Prinsip-prinsip Alkitab?

Prinsip-prinsip Alkitab iete dasar bara katutu. Tapi, hukum inampa akan mamberes masalah tertentu. (Deuteronomium 22:8) Itah musti mangguna kapintar itah uka mangatawan cara ah manumun ije prinsip huang ije situasi. (Sewut Salomo 2:10-12) Suntu ah, Alkitab majar bahwa pambelum te hadiah bara Hatalla. Prinsip dasar te akan mambimbing itah metuh melai gawian, melai huma, atawa hong tanjung jalanan itah. Dengan mingat prinsip te, itah tau barendeng mangat dia celaka.​—Mbasa Saritan Gawin Kare Rasul 17:28.

3. Due Prinsip kueh je puna penting?

Yesus mansanan due prinsip je puna penting. Prinsip je sulak  ah tege hubunga dengan tujuan pambelum ulun kalunen, iete uka mangasene Hatalla, sinta Denga, tuntang manempu Iye dengan satia. Itah tau mamikir prinsip tuh metuh itah manampa keputusan narai bewei. (Sewut Salomo 3:6) Uras uluh je malalus prinsip jituh tau manjadi sobat Hatalla, mangkeme kahanjak sejati, tuntang belum katatahi.​—Mbasa Mateus 22:36-38.

Prinsip kadue mambimbing itah mangat tau hapakat dengan uluh beken. (1 Korintus 13:4-7) Uka malalus prinsip kadue jituh, itah musti manyuntu cara Hatalla baurusan dengan ulun kalunen.​—Mbasa Mateus 7:12; 22:39, 40.

4. Narai manfaat Prinsip-prinsip Alkitab akan itah?

Dengan malalus prinsip-prinsip Alkitab, kaluarga- kaluarga tau hinje awi sinta. (Kolose 3:12-14) Firman Hatalla kea mahaga kaluarga mahalau ije prinsip beken, iete pangawin je hubungan ah akan sampai katatahi.​—Mbasa Genesis 2:24.

Dengan manumun prinsip-prinsip Alkitab, itah mandinu kadamai tuntang mangkeme kasukup huang pambelum. Suntu ah, ije bos je manggau anak buah labih rajin dengan uluh jujur tuntang cangkal. (Sewut Salomo 10:4, 26; Ibrani 13:18) Firman Hatalla kea majar itah mangat mangkeme sukup dengan taluh je merlu itah. Keleh manomor ije hubungan itah dengan Hatalla, daripada panatau.​—Mbasa Mateus 6:24, 25, 33; 1 Timoteus 6:8-10.

Malalus prinsip Alkitab kea tau mahaga karigas itah. (Sewut Salomo 14:30; 22:24, 25) Suntuh ah, amun itah manumun parentah Hatalla je mangahana itah mambusau, itah dia kana panyakit tuntang kecelakaan. (Sewut Salomo 23:20) Yehowa dia mangahana itah mihup je beralkohol, asal dia malabien. (Masmur 104:15; 1 Korintus 6:10) Prinsip-prinsip je inenga Hatalla baguna akan itah. Bara jite, itah iajar uka mahaga taluh gawin tuntang tiruk itah. (Masmur 119:97-100) Tapi, uluh Kristen marega prinsip Hatalla beken akan manfaat ewen bewei. Ewen malalus jite uka manara Hatalla.​—Mbasa Mateus 5:14-16.

 

CARI TAHU LEBIH BANYAK

PROGRAM PALAJARAN ALKITAB

Balajar Alkitab Gratis

Dinun palajaran Alkitab gratis hung waktu tuntang leka je cocok akan Pahari.