Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 14

Mbuhen Hatalla Mangumpul tuntang Maatur Ungkup-Aie?

Mbuhen Hatalla Mangumpul tuntang Maatur Ungkup-Aie?

1. Mbuhen Hatalla mangumpul uluh Israel jaman huran?

Hatalla mangumpul turunan Abraham manjadi ije bangsa tuntang manenga ewen kare hukum. Iye manyewut ewen uluh Israel tuntang mahapan ewen uka mahaga ibadat sejati tuntang firman-Aie. (Masmur 147:19, 20) Jadi, uras uluh tau mandinu berkat mahalau bangsa Israel.​—Mbasa Genesis 22:18.

Hatalla mintih bangsa Israel akan manjadi saksi-saksi- Aie. Berkat-berkat je indinu bangsa Israel huran mamparahan guna manumun hukum-hukum Hatalla. (Deuteronomium 4:6) Maka, mahalau bangsa Israel, bangsa-bangsa beken tau mangasene Hatalla je bujur.​—Mbasa Yesaya 43:10, 12.

2. Mbuhen Hatalla maatur uluh Kristen sejati?

Sasar tahi, bangsa Israel dia hindai manjadi ungkup pilihan Hatalla. Maka, Yehowa manganti bangsa jite dengan sidang jemaat Kristen. (Mateus 21:43; 23:37, 38) Wayah tuh, uluh Kristen sejati manganti eka bangsa Israel tuntang manjadi saksi-saksi akan Yehowa.​—Mbasa Saritan Gawin Kare Rasul 15:14, 17.

Yesus maatur kare rewar ah uka mangabar barita bahalap tuntang manampa murid bara uras bangsa. (Mateus 10:7, 11; 24:14; 28:19, 20) Ungkup Hatalla wayah tuh metuh kasibuk ah malalus hal te. Wayah tuh, Yehowa mangumpul uras uluh bara uras bangsa kan ibadat sejati. (Pangarinah 7:9, 10) Uluh Kristen sejati iatur uka tau hakadohop tuntang manenga anjuran. Hong hapus dunia, ewen mandinun palajaran Alkitab je sama hong pumpung ibadat ewen.​—Mbasa Ibrani 10:24, 25.

 3. Kilenampi tampara organisasi Saksi-Saksi Yehowa?

Bara nyelu 1870-an, ije kelompok kurik je ingasene siswa-siswa Alkitab manyundau katutu bara Alkitab. Ewen mangatawan Yesus jadi maatur sidang Kristen uka mangabar, jadi ewen nampara mangabar barita bahalap Karajaan hong hapus dunia. Hong nyelu 1931, ewen mahapan aran Saksi-Saksi Yehowa sampai wayah tuh.​—Mbasa Saritan Gawin Kare Rasul 1:8; 2:1, 4, 11; 5:42.

4. Kilenampi Saksi-Saksi Yehowa iatur?

Hong jaman kare rasul, sidang-sidang jemaat Kristen mandinun petunjuk bara ije pimpinan pusat. Ewen percaya Yesus je mamimpin sidang jemaat. (Saritan Gawin Kare Rasul 16:4, 5) Kalute kea wayah tuh, Saksi-Saksi Yehowa hong hapus dunia mandinun petunjuk bara Badan Pimpinan je anggota ah kawan bakas ungkup je are pangalama. Ewen mamasti gawin je ilalus hong uras kantor cabang Saksi-Saksi Yehowa je menerjemah, mencetak, tuntang mangirim kan genep sidang bahan basaan uka palajaran Alkitab hong labih bara 600 bahasa. Maka, Badan Pimpinan tau manyadia penghiburan tuntang petunjuk je indasar bara Alkitab akan labih bara 100.000 sidang jemaat. Hong genep sidang, kawan hatue je ianggap layak, tau melayani manjadi bakas ungkup. Kawan hatue je pamasi tuh maurus sidang jemaat.​—Mbasa 1 Petrus 5:2, 3.

Saksi-Saksi Yehowa iatur uka mangabar barita bahalap tuntang manampa murid. Kilau kare rasul, ewen mangabar bara huma ka huma. (Saritan Gawin Kare Rasul 20:20) Ewen kea sanang maajar Alkitab akan uluh je sinta katutu. Tapi, Saksi-Saksi Yehowa dia baya Organisasi biasa. Ewen kea kaluarga je peduli ije dengan je beken awi ewen tege Bapa je pamasi, Yehowa. (2 Tesalonika 1:3) Awi ungkup Yehowa iatur uka mampahanjak Hatalla tuntang mandohop uluh beken, ewen te kaluarga je paham hanjak hong hapus bumi.​—Mbasa Masmur 33:12; Saritan Gawin Kare Rasul 20:35.