Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 5

Narai Kahandak Hatalla akan Bumi?

Narai Kahandak Hatalla akan Bumi?

1. Narai tujuan Hatalla manampa bumi?

Yehowa manenga bumi eka kalunen melai. Jadi, kaluarga je sulak ah, Adam tuntang Hawa, dia inampa uka belum hong surga. ​—Hatalla jadi manampa malekat-malekat akan melai hong surga. (Yob 38:4, 7) Hatalla manampa eka ewen je mangat huang firdaus, je inyewut Taman Eden. (Genesis 2:15-17) Yehowa manenga ewen tuntang turuna kesempatan uka belum katatahi hong bumi.​—Mbasa Masmur 37:29; 115:16.

Metuh sulak ah, baya Taman Eden je keadaan ah kilau firdaus. Kaluarga kalunen je sulak ah tuntang turuna cagar manguntep bumi. Andau harian, ewen akan nguasa bumi tuntang mampahai firdaus. (Genesis 1:28) Bumi dia ndai imparusak tapi akan manjadi eka melai ulun kalunen sampai katatahi.​—Mbasa Masmur 104:5.

2. Mbuhen firdaus nihau?

Adam tuntang Hawa dia manumun auh Hatalla, awi te Yehowa mangahana ewen melai huang taman te hindai. Akhir ah, jatunti kalunen je melai hete hindai tuntang firdaus te nihau. Alkitab mansanan, ”Kalunen [bumi] jadi  inyarah Hatalla akan uluh papa.”​—Yob 9:24.​—Mbasa Genesis 3:23, 24.

En kah kahandak Yehowa je sulak ah akan ulun kalunen balang? Dia! Iye hai kuasa. Jatun je tau mambalang tujua. (Yesaya 45:18) Kahandak-Aie akan kalunen je sulak ah tau manjadi hindai.​—Mbasa Masmur 37:11, 34.

3. Kilenampi bumi tau haluli kilau Taman Eden bihin?

Metuh Yesus mamarentah jadi Raja, firdaus tau haluli hindai hong bumi. Metuh parang Armagedon, Yesus akan mangapala malekat-malekat Hatalla tuntang mampalumus  kalunen je dia tumun Denga. Limbas te, Setan akan ingurung awi Yesus katahin 1.000 nyelu. Ungkup Hatalla akan lapas bara kabinasa awi Yesus akan manantiring tuntang mahaga ewen. Ewen kea akan mangkeme pambelum katatahi hong Firdaus.​—Mbasa Pangarinah (Wahyu) 20:1-3; 21:3, 4.

4. Pea kapehe tau terai?

Pea Hatalla akan mampaterai kapapa hong bumi? Yesus mansanan ”tanda” je mamparahan bahwa kahapus te jadi tukep. Ulun kalunen tau lepah amun keadaan wayah tuh tarus kilau tuh. Hal te mamparahan bahwa itah belum metuh ”kalepah kalunen”.​—Mbasa Mateus 24:3, 7-14, 21, 22.

Metuh Yesus mamarentah bara surga akan bumi katahin 1.000 nyelu, iye akan mampanihau uras kapehe. (Yesaya 9:6, 7; 11:9) Yesus kea mampaterai dosa uras uluh je sinta dengan Hatalla. Jadi, mahalau Yesus, Hatalla mampanihau panyakit, kabakas, tuntang pampatei.​—Mbasa Yesaya 25:8; 33:24.

5. Eweh je tau melai hong Firdaus kareh?

Hong Balai Karajaan, Pahari tau hasundau dengan uras uluh je sinta dengan Hatalla tuntang maku balajar cara ah mampahanjak Iye

Uras uluh je manumun auh Hatalla tau belum hong Firdaus. (1 Yohanes 2:17) Yesus manyuhu kare rewar ah uka manggau uras uluh je bahalap atei tuntang majar ewen cara ah mangat tau ingasene awi Hatalla. Wayah tuh, Yehowa manatap jutaan uluh uka belum hong Firdaus kareh. (Sepanya 2:3) Hong Balai Karajaan Saksi-Saksi Yehowa, uras uluh tau balajar manjadi uluh je labih bahalap, en kah iye masih bujang, jadi bakaluarga, atawa tege anak ah. Uluh bakas-tabela tau hayak beribadat tuntang balajar manumun pangatawan bara Alkitab mangat pambelum ewen labih bahalap.​—Mbasa Mikha 4:1-4.