Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 7

Narai Karajaan Hatalla Te?

Narai Karajaan Hatalla Te?

1. Narai Karajaan Hatalla te?

Mbuhen Yesus puna pas jadi Raja?​—MARKUS 1:40-42.

Karajaan Hatalla iete ije pamarentahan hong surga. Karajaan te akan manganti uras pamarentahan beken tuntang malalus kahandak Hatalla hong surga tuntang bumi. Hal tuh manjadi barita bahalap akan itah. Kalunen perlu pamarentahan je bahalap, tuntang dia pire hindai, hal jite akan manjadi kanyataan. Karajaan te akan mangumpul uras uluh je belum hong bumi.​—Mbasa Daniel 2:44; Mateus 6:9, 10; 24:14.

Karajaan te irentah awi ije Raja. Yehowa jadi maangkat Yesus uka jadi Raja Karajaan-Aie.​—Mbasa Pangarinah (Wahyu) 11:15.

2. Mbuhen Yesus Raja je paling pas?

Yesus puna Raja je pas awi iye bahalap atei tuntang bahanyi mambela katutu. (Yohanes 1:14) Beken bara te, iye tege kuasa uka mandohop uluh beken awi iye marentah bumi bara surga. Limbas Yesus impisik awi Hatalla, iye mandai kan surga tuntang  manunggu hong silan gantau Yehowa. (Ibrani 10:12, 13) Akhir ah, Yehowa manenga Yesus kuasa hapa mamarentah.​—Mbasa Daniel 7:13, 14.

3. Dengan eweh Yesus mamarentah?

Ije kelompok uluh je inyewut ”ungkup Hatalla Je Pangkahai” akan marentah dengan Yesus hong surga. (Daniel 7:27) Sulak ah rasul-rasul Yesus je satia iintih jadi ungkup Hatalla je Pangkahai. Sampai tuh, Yehowa masih mintih  ulun je percaya uka manjadi ungkup Aie je pangkahai. Metuh ewen matei, ewen kan mandai tuntang belum hong surga kilau Yesus.​—Mbasa Yohanes 14:1-3; 1 Korintus 15:42-44.

Pire kare biti uluh je kan surga? Yesus manyewut  ewen ”baya isut”. (Lukas 12:32) Karen ewen 144.000. Yesus marentah bumi dengan ewen.​—Mbasa Pangarinah (Wahyu) 14:1.

4. Narai kajadia amun Yesus marentah?

Karajaan Hatalla nampara marentah nyelu 1914. * Sulak ah Yesus mausir Setan dengan kawan kambe bara surga kan bumi. Setan paham basingi tuntang mawi kasusah hong bumi. (Pangarinah [Wahyu] 12:7-10, 12) Nampara bara te, pambelum kalunen sasar pehe. Parang kalahi, tapas panginan, kare panyakit, tuntang petak hagerek manjadi ”tanda” bahwa Karajaan jite dia pire hindai mimbing kuasa uka marentah bumi.​—Mbasa Lukas 21:7, 10, 11, 31.

5. Narai je ilalus Karajaan Hatalla?

Bara pangabaran, jutaan uluh je bahalap atei akan manjadi rakyat bara Yesus. Ewen kea akan ihaga metuh Karajaan Hatalla mampahancur pamarentahan je beken melai bumi. Awi te, uras uluh je handak mandinu manfaat bara Karajaan Hatalla musti balajar manumun Yesus.​—Mbasa Pangarinah (Wahyu) 7:9, 14, 16, 17.

Katahin 1.000 nyelu, Karajaan te akan malalus kahandak Hatalla je helu akan kalunen. Genep bumi manjadi firdaus. Akhir ah, Yesus malian haluli Karajaan te akan Bapa. (1 Korintus 15:24-26) Akan eweh Pahari handak mangesah Karajaan Hatalla?​—Mbasa Masmur 37:10, 11, 29.

 

^ par. 6 Uka mangatawan labih are ramalan Alkitab tahiu nyelu 1914, payah halaman 215-218 buku Apa yang Sebenarnya Alkitab Ajarkan?