Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 6

Narai Harapan akan Uluh Matei?

Narai Harapan akan Uluh Matei?

1. Narai barita bahalap tahiu uluh matei?

Metuh Yesus melai bumi, sobat ah je ara Lasarus matei. Metuh Yesus dumah akan huma, Lasarus jadi matei epat andau. Yesus guang akan kuburan hayak Marta tuntang Maria, pahari bawi Lasarus. Dia tahi limbas te, are uluh dumah hapumpung melai hete. En tau Pahari mambayang kahanjak Marta tuntang Maria metuh Yesus mambelum Lasarus hindai?​—Mbasa Yohanes 11:21-24, 38-44.

Marta jadi katawan barita bahalap tahiu uluh matei. Iye katawan bahwa Yehowa tau mambelum hindai uluh matei uka belum hong bumi.​—Mbasa Yob 14:14, 15.

2. Kilenampi keadaan uluh matei?

Hatalla mansanan akan Adam, ”Ikau inampa bara petak, tuntang haluli buli petak.”​—GENESIS 3:19.

Kalunen inampa bara petak. (Genesis 2:7; 3:19) Kalunen beken roh. Itah tuh bereng jasmani salepah ah, awi te jatunti bagian bara arep itah je masih belum metuh itah matei. Untek itah kea matei, tuntang jatunti hindai je mingat itah limbas te. Jite sabab ah, Lasarus dia mangesah narai-narai metuh iye matei, awi uluh matei dia katawan taluh en-en.​—Mbasa Masmur 146:4; Pangabar 9:5, 6, 10.

En kah Hatalla manyiksa uluh hong naraka? Alkitab mansanan bahwa uluh matei dia katawan en-en. Awi te, apui naraka ajaran je dia bujur. Malah, Hatalla dia puji mamikir handak manyiksa uluh huang apui naraka.​—Mbasa Yeremia 7:31.

 3. En tau uluh matei bapander dengan itah?

Uluh matei dia tau bapander atawa mahining. (Masmur 115:17) Tapi, tege malekat-malekat je papa. Ewen tau nyuntu kutak uluh je jadi matei. (2 Petrus 2:4) Yehowa mangahana itah uka mancoba bapander dengan uluh matei.​—Mbasa Deuteronomium 18:10, 11.

4. Eweh je tau belum hindai?

Jutaan uluh je jadi matei tau belum hindai hong bumi. Malah uluh-uluh je dia mangasene Hatalla tuntang mawi taluh papa tau impisik.​—Mbasa Masmur 37:29; Saritan Gawi Kare Rasul 24:15.

Uluh-uluh je impisik tau mandinu kesempatan uka balajar tahiu Hatalla tuntang percaya akan Yesus dengan manumun ah. (Pangarinah [Wahyu] 20:11-13) Uras uluh je belum hindai tuntang malalus hal-hal je bahalap tau belum katatahi hong bumi.​—Mbasa Yohanes 5:28, 29.

5. Narai je ilajar itah tahiu Yehowa bara kamisik?

Uluh matei tau mandinun harapan uka belum hindai awi Hatalla jadi manyuhu Yesus uka matei akan itah. Jadi, awi tege kamisik, itah tau mangkeme asi Yehowa tuntang kahalap atei-Aie. Metuh uluh matei imbelum hindai, Pahari handak hasundau dengan eweh?​—Mbasa Yohanes 3:16; Roma 6:23.