Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 12

Kilenampi Pahari Tau Manjadi Sobat Hatalla?

Kilenampi Pahari Tau Manjadi Sobat Hatalla?

1. En kah Hatalla mahining uras doa?

Hatalla marawei uras kalunen uka balaku doa Denga. (Masmur 65:2) Tapi, Iye dia mahining, atawa manarima, uras doa. Suntu ah, doa ije biti hatue tau dia sampai akan Hatalla amun iye dia marega sawa. (1 Petrus 3:7) Kea, metuh uluh Israel tarus mawi taluh je papa, Hatalla dia maku mahining doa ewen. Jadi, doa te ije hak istimewa akan itah. Tapi, Hatalla handak mahining doa uras uluh je mawi dosa hai amun ewen batobat.​—Mbasa Yesaya 1:15; 55:7.

2. Kilenampi sapuna itah balaku doa?

Doa iete bagian bara ibadat itah. Jadi, itah balaku doa baya akan Hatalla Yehowa, je manampa itah. (Mateus 4:10; 6:9) Beken bara te, awi itah dia sempurna, itah sapuna balaku doa mahalau aran Yesus je jadi matei uka manewus itah bara dosa. (Yohanes 14:6) Yehowa dia handak itah balaku doa mahapan auh kutak je jite baka jite ih, atawa bara buku doa. Tapi, Iye handak itah balaku doa bara atei.​—Mbasa Mateus 6:7; Pilippi 4:6, 7.

Hatalla tau mahining doa je inyewut huang atei. (1 Samuel 1:12, 13) Iye marawei itah uka balaku doa huang are kesempatan, suntu ah metuh hanjewu atawa metuh hamalem, sahindai kuman, tuntang metuh itah naharep masalah.​—Mbasa Masmur 55:22; Mateus 15:36.

3. Mbuhen uluh Kristen beribadat haya-hayak?

Manjadi sobat Hatalla te dia purah awi itah melai hong bentuk uluh je dia beriman Denga. Ewen dia percaya janji Hatalla tahiu kadamai hong bumi. (2 Timoteus 3:1, 4; 2 Petrus 3:3, 13) Jadi, itah mamerlu pandohop bara uluh je sama-sama menyembah Hatalla tuntang itah tau hakadokop.​—Mbasa Ibrani 10:24, 25.

 Dengan bakawal haya-hayak uluh je sinta Hatalla, itah tau santar rantep dengan Hatalla. Hong pumpung ibadat Saksi-Saksi Yehowa, itah tau sasar kuat nampayah iman uluh beken.​—Mbasa Roma 1:11, 12.

4. Kilenampi Pahari tau manjadi sobat Hatalla?

Pahari tau manjadi sobat Hatalla dengan mamikir bujur-bujur narai je jadi ilajar Pahari bara Firman-Aie. Mikir dengan bujur-bujur taluh gawin-Aie, nasehat-Aie, tuntang janji-Aie. Amun itah balaku doa tuntang malalus hal te, itah tau santar marega sinta tuntang kapintar Hatalla.​—Mbasa Yosua 1:8; Masmur 1:1-3.

Pahari tau santar rantep dengan Hatalla amun Pahari percaya Denga. Kilau taluh imbul, iman Pahari perlu inata dengan mamikir uras hal je jadi ilajar Pahari bara Alkitab.​—Mbasa Mateus 4:4; Ibrani 11:1, 6.

5. Narai manfaat ah manjadi sobat Hatalla?

Yehowa peduli dengan uluh je sinta Denga. Iye tau mahaga ewen bara narai bewei je tau maancam iman ewen tuntang harapan ewen uka belum katatahi. (Masmur 91:1, 2, 7-10) Iye mampingat itah mangat mangejau pambelum je marusak karigas tuntang kahanjak itah. Yehowa majar itah cara je bahalap uka manjalani pambelum.​—Mbasa Masmur 73:27, 28; Yakobus 4:4, 8.