Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 9

Kilenampi Mangat Kaluarga Pahari Dinun Kahanjak?

Kilenampi Mangat Kaluarga Pahari Dinun Kahanjak?

1. Mbuhen pangawin itah musti resmi?

Barita bahalap puna bara Yehowa, Hatalla je bahagia. Iye handak mangat kaluarga-kaluarga madinun kahanjak. Iye je manampa pangawin. Pangawin je resmi penting mangat kaluarga hanjak tuntang kawan anak tau impahai huang lingkungan je aman. Mangat resmi pangawin musti indaptar hong Lembaga Pamarentah.​—Mbasa Lukas 2:1, 4, 5.

Kilenampi Hatalla manampayah pangawin? Iye handak mangat pangawin manjadi ikatan je tege sampai katatahi. Yehowa handak mangat uluh je jadi bakaluarga setia dengan kawal belum ah. (Ibrani 13:4) Iye bajilek dengan uluh je bapisah. (Maleakhi 2:16)Tapi, Iye dia mangahana uluh Kristen bapisah tuntang kawin hindai amun kawal belum ah habandung.​—Mbasa Mateus 19:3-6, 9.

2. Kilenampi sapuna uluh je bakaluarga marega kabali?

Yehowa manampa hatue tuntang bawi uka saling mandohop. (Genesis 2:18) Sebagai pemimpin huang kaluarga, uluh hatue musti manenga kebutuhan akan kaluarga tuntang majar ewen tahiu Hatalla. Iye musti mamparahan sinta akan sawa tuntang dia mikir arep ah bewei. Uluh je bakaluarga musti sinta tuntang marega kawal belum. Awi jatunti kaluarga je sempurna, ewen musti balajar maampun kabali. Jite kunci kahanjak huang pangawin.​—Mbasa Epesus 4:31, 32; 5:22-25, 33; 1 Petrus 3:7.

3. En uluh je pangawin ah bamasalah tau pisah?

Amun pangawin tege masalah, Pahari tuntang kabalin Pahari musti bausaha mamparahan asi. (1 Korintus 13:4,  5)  Firman Hatalla dia marentah uluh bapisah sebagai jalan balua akan masalah je kurik huang pangawin.​—Mbasa 1 Korintus 7:10-13.

4. Kawan anak, narai kahandak Hatalla akan ketun?

Yehowa handak mangat ketun hanjak. Iye manenga nasehat je bahalap mangat ketun mangkeme wayah katabela. Iye handak ketun manumun uluh bakas, awi ewen labih pintar harati tuntang are pangalama. (Kolose 3:20) Hatalla kea handak mangat ketun mandinu kahanjak awi malalus taluh gawi je mampahanjak Iye.​—Mbasa Pangabar 11:9–12:1; Mateus 19:13-15; 21:15, 16.

5. Uluh bakas, narai je imerlu kawan anak mangat hanjak?

Pahari perlu cangkal bagawi uka manyadia panginan, huma, tuntang pakaian akan kawan anak Pahari. (1 Timoteus 5:8) Tapi, mangat ewen hanjak, Pahari kea perlu majar kawan anak uka sinta dengan Hatalla tuntang balajar bara-Iye. (Epesus 6:4) Amun Pahari sinta dengan Hatalla, ewen akan manyuntu Pahari. Amun Pahari majar ewen auh Alkitab, hasil ah akan mimbit pangaruh je bahalap akan ewen.​—Mbasa Deuteronomium 6:4-7; Sewut Salomo 22:6.

Nasehat tuntang auh kutak je mampahanjak kawan anak, tau bermanfaat akan ewen. Ewen kea mamerlu tingak ajar. Uras te mahaga ewen mangat dia manggawi taluh papa. (Sewut Salomo 22:15) Tapi, ela sampai maningak ewen dengan paham kasingi tuntang kasar.​—Mbasa Kolose 3:21.

Saksi-Saksi Yehowa mampalua pire-pire buku je irancang akan mandohop uluh bakas tuntang kawan anak. Nasehat huang buku tuh induan bara Alkitab.​—Mbasa Masmur 19:7, 11.