Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 13

Kilenampi Kajaria dengan Agama Kareh?

Kilenampi Kajaria dengan Agama Kareh?

1. En uras agama bahalap?

Melai uras agama tege uluh je bahalap atei ah. Hatalla manampayah uluh kilau te tuntang peduli dengan ewen. Hal te barita bahalap. Tapi sayang ah, are taluh papa manjadi hapan aran agama. (2 Korintus 4:3, 4; 11:13-15) Manumun laporan, pire-pire agama umba manggawi terorisme, mampatei uluh are, parang, manyiksa anak uluhan. Hal tuh puna mimbit kapehe atei akan uluh je percaya dengan Hatalla!​—Mbasa Mateus 24:3-5, 11, 12.

Agama sejati manara aran Hatalla. Tapi, agama je palsu manampa Iye dia rajin. Agama palsu majar taluh je jatun hong Alkitab, iete ajaran palsu tahiu Hatalla tuntang uluh matei. Tapi, Yehowa handak uras uluh mangasene katutu tahiu Iye.​—Mbasa Esekhiel 18:4; 1 Timoteus 2:3-5.

2. Kilenampi kajaria dengan agama kareh?

Itah hanjak, Hatalla dia tau inanjaru awi agama je mangaku sinta dengan Hatalla tapi sapuna sinta dengan dunia Setan. (Yakobus 4:4) Firman Hatalla manyewut uras agama palsu ”Babel je hai”. Babel iete kota huang jaman huran eka tampara agama palsu. Kota te tege limbah danum suhu jaman Noah. Dia pire hindai, Hatalla akan mampalumus agama je mananjaru tuntang mangapehe ulun kalunen.​—Mbasa Pangarinah (Wahyu) 17:1, 2, 5, 16, 17; 18:8.

Tapi masih tege barita bahalap je beken. Yehowa dia mangalapean uras uluh je bahalap atei je tege huang agama palsu seluruh dunia. Iye mimbit ewen balua bara agama palsu dengan majar ewen katutu.​—Mbasa Mikha 4:2, 5.

 3. Narai je musti ilalus awi uluh je bahalap atei?

Agama je bujur tau manampa uluh hapakat

Yehowa peduli dengan uluh je sinta narai je bahalap tuntang bujur. Iye marentah ewen mangat malihi agama palsu. Uluh je sinta Hatalla pahias malalus kahandak-Aie uka mampahanjak Iye.​—Mbasa Pangarinah (Wahyu) 18:4.

Hong jaman kare rasul, metuh uluh je bahalap atei mahining barita bahalap, ewen hanjak. Ewen balajar jalan belum je taheta bara Yehowa. Jalan belum jituh labih mampahanjak, manenga tujuan tuntang harapan. Ewen manjadi suntu akan itah wayah tuh awi manyambut barita bahalap tuntang manomor ije Yehowa hong pambelum ewen.​—Mbasa 1 Tesalonika 1:8, 9; 2:13.

Yehowa sanang dengan uluh je malihi agama palsu tuntang marawei ewen uka bagabung dengan uluh je menyembah Iye. Amun Pahari manarima parawei Yehowa, Pahari tau manjadi sobat-Ah, manjadi bagian bara kaluarga uluh je menyembah Iye, tuntang mandinun pambelum katatahi.​—Mbasa Markus 10:29, 30; 2 Korintus 6:17, 18.

4. Mbuhen uras uluh je melai hong bumi kajaria tau mangkeme kahanjak?

Tege katika kareh agama palsu jatunti hindai. Jite barita bahalap akan itah. Agama palsu dia hindai manampa kakacau ulun kalunen. Uras uluh je belum tau hapakat menyembah Hatalla je bujur.​—Mbasa Pangarinah (Wahyu) 18:20, 21; 21:3, 4.