Langsung ke konten

Langsung ke menu sekunder

Langsung ke daftar isi

Saksi-Saksi Yehuwa

Dayak Ngaju

Barita Bahalap bara Hatalla!

 PALAJARAN 2

Eweh Hatalla Te?

Eweh Hatalla Te?

1. Mbuhen itah musti menyembah Hatalla?

Hatalla je bujur iete je manampa taluh handiai. Iye jatun tampara tuntang kahapus. (Masmur 90:2) Uras barita bahalap huang Alkitab bara Iye. (1 Timoteus 1:11) Awi Hatalla manenga itah pambelum, tikas Iye bewei je inyembah itah.​—Mbasa Pangarinah (Wahyu) 4:11.

2. Kilau narai Hatalla te?

Jatunti uluh je puji manampayah Hatalla awi Iye melai surga. (Yohanes 1:18; 4:24) Tapi, itah tau mangatawan sifat-sifat Hatalla bara taluh je nampa-Ah. Suntu ah, bara kakare bua tuntang kambang mamparahan iye pamasi tuntang pintar harati. Lumbah ah alam semesta mamparahan kuasa-Aie.​—Mbasa Roma 1:20.

Itah tau mangatawan labih are tahiu sifat-sifat Hatalla dengan mambasa Alkitab. Suntu ah, Alkitab mamander akan itah narai taluh gawi je Hatalla rajin tuntang je injilek ah, bara hete itah mangatawan cara Iye manaharep kakare masalah.​—Mbasa Masmur 103:7-10.

3. En kah Hatalla tege ara?

Aluh Hatalla are galar, baya tege ije ara. Iye mansanan akan itah eweh ara dengan hamauh, ”Aku tuh TUHAN [Yehowa]. Jite arang-Ku.” (Yesaya 42:8) Are cara manyewut aran Hatalla sasuai bahasa ah. Huang bahasa Dayak Ngaju, ara te inyewut ”Yehowa”. Tapi, tege kea je manyewut ah ”Yahweh”.​—Mbasa Masmur 83:18.

Are Alkitab jadi manganti aran Hatalla dengan galar TUHAN atawa Hatalla. Tapi, metuh Alkitab inyurat, aran Hatalla tege sekitar 7.000 kali.  Metuh majar uluh tahiu Hatalla, Yesus mansanan aran Hatalla.​—Mbasa Yohanes 17:26.

4. En kah Yehowa sinta dengan itah?

Kilau bapa je pamasi tuh, Hatalla maningak akan kahalap itah

Awi are tutu kapehe, en kah Yehowa dia masi dengan itah? Pire-pire biti uluh hamauh kapehe itah tuh cobaan bara Hatalla. Tapi, jituh dia bujur.​—Mbasa Yakobus 1:13.

Hatalla marega kalunen dengan manalua ewen manampa pilihan kabuat. En kah itah marega kabebasan tuh? Pasti Iyoh. (Yosua 24:15) Tapi, are uluh mamintih uka mawi je papa akan uluh beken. Jite sabab ah, tege are tutu kapehe. Atei Yehowa pehe nampayah taluh papa kilau te.​—Mbasa Genesis 6:5, 6.

Yehowa iete Hatalla je sinta dengan itah. Iye handak mangat itah mangkeme pambelum. Dia pire hindai, Iye akan mampanihau kapehe tuntang uras taluh je mawi ah. Pandehan te, Hatalla manalua kapehe itah tege, mbuhen? Hong palajaran 8 itah akan mangatawan alasan ah.​—Mbasa 2 Petrus 2:9; 3:7, 13.

5. Kilenampi itah tau tukep dengan Hatalla?

Yehowa marawei itah mangat tukep Denga, dengan bapander mahalau doa. Iye manampayah genep ulun kalunen. (Masmur 65:2; 145:18) Iye maku maampun itah. Iye marega usaha itah uka mampahanjak Iye, aluh kadang-kadang itah dia ulih. Jadi, aluh itah dia sempurna, itah tau rantep dengan Hatalla.​—Mbasa Masmur 103:12-14; Yakobus 4:8.

Awi Yehowa manenga itah pambelum, sinta itah Denga musti labih hai bara sinta itah dengan kare taluh beken. (Markus 12:30) Pahari tau mamparahan sinta te dengan balajar labih are tahiu Hatalla tuntang malalus narai je ilaku. Hasil ah, Pahari tau santar rantep dengan Hatalla.​—Mbasa 1 Timoteus 2:4; 1 Yohanes 5:3.